Kostiq: Sulmi ndaj gjithë popullit serb, jo vetëm ndaj Listën Serbe

Anëtarët e Listës Serbe, të cilët nuk lejohen të marrin pjesë sot në seancën e Kuvendit të Kosovës, kanë thënë se ky incident paraqet imazhin e regjimit të kryeministrit të Kosovës, Albin Kurti, si dhe se kryeparlamentari Gljauk Konjufca ka shkelur çdo ligj.

Deputeti i Listës Serbe, Millan Kostiq theksoi se ajo listë përfaqëson zërin e popullit serb dhe se ky është një sulm ndaj një kombi të tërë.

“Sonte ka ndodhur një incident sipas deputetëve të Listës Serbe në Kuvendin e Kosovës. Kjo është pasqyra e vërtetë e regjimit të Kurtit, sa urrejtje ka ndaj popullit serb. Anëtarët e Listës Serbe, të cilët janë zgjedhur nga populli, sonte nuk u lejohet të përfaqësojnë njerëzit që na kanë votuar. Aty jemi sharë të gjithë, se jemi kështu e ashtu, kemi përjetuar lloj-lloj ofendimesh nga përfaqësuesit e Vetëvendosjes. As gruan shtatzënë nuk e anashkaluan, e shanë, nuk na lanë të ulemi në stolat tona. I lutëm, iu referuam ligjeve, por nuk na lanë. Mendoj se ka shumë urrejtje ndaj nesh dhe se kryetari Konjufaca ka shkelur çdo ligj”, ka thënë Kostiq.

Ai ka kërkuar që të gjitha ambasadat në Kosovë të reagojnë për këtë rast.

“I kërkoj të gjitha ambasadave të përfshihen dhe të reagojnë. Ky është një sulm ndaj gjithë popullit serb, jo vetëm ndaj Listën Serbe”, nënvizoi Kostiq.