Kryetari i Leposaviqit e pengoi MTS ta heq defektin nga ndërtesa e komunës, përdoruesit pa sinjal

Punonjësit e MTS d.o.o kanë tentuar të shkojnë në çatinë e objektit të Komunës së Leposaviqit për të eliminuar defektin dhe për të mundësuar telefoninë mobile në atë pjesë të territorit, por kryetari i Komunës së Leposaviqit nuk ua ka lejuar një gjë të tillë, duke theksuar se MTS mund të "heqë përgjithmonë pajisjet nga ndërtesa e tij", edhe pse shoqëria për punimet i ka të gjitha lejet e mundshme.

Për shkak të punimeve që janë kryer në çatinë e ndërtesës së komunës së Leposaviqit, rreth mesditës, lidhja RR ajrore për stacionet bazë celulare KOM Leshak dhe stacionin bazë Joshanica, të cilat mbulojnë vendbanimin Leshak, pjesën e Leposaviqit, fshatin Joshanicë, si dhe pjesa më e madhe e rrugës kryesore, është ndërprerë në relacionin Vendkalim Administrativ - Leposaviq - Soçanica.

Megjithatë, kryetari i Komunës së Leposaviqit nuk i ka lejuar punëtorët e MTS-it të dalin në çatinë e ndërtesës, ndërsa dy herë ka përmendur se punimet në çatinë e objektit janë kryer nga punëtorët e një operatori tjetër mobil të Kosovës, Vala.

MTS d.o.o në interes të klientëve të saj në atë rajon, të cilët janë të dëmtuar për shkak të pamundësisë së përdorimit të sinjalit të telefonisë celulare, do të gjejë një zgjidhje tjetër brenda 24 orëve për të vendosur lidhje ajrore me stacionet bazë të përmendur Joshanicë dhe Kom Leshak.

Kompania do të nisë një proces ankimimi me rregullatori për trafikun elektronik, sepse, siç thonë ata, iu mohua e drejta për biznes normal pavarësisht të gjitha lejeve rregullatore të marra me një vendim të dhunshëm të një njeriu.

Sipas informacioneve të portalit tonë, me vendim të kryetarit Leposaviq, rreth 5000 përdorues të MTS-së në veriun e largët të Kosovës kanë mbetur pa sinjal,edhe pse MTS ka leje pune Kosovare, si dhe kontratë me komunën e Leposaviqit për një stacion bazë në ndërtesën komunale.