Lista Serbe: Aktvendim skandaloz si një akt hakmarrjeje politike kundër popullit serb

Sot, gjykata politike e regjimit të Albin Kurtit miratoi një aktvendim të turpshëm, të pabazuar dhe të motivuar politikisht kundër Milun Milenkoviq, Aleksandar Vlajiq dhe Dejan Pantiq, i cili përfaqëson një akt të hapur terrori gjyqësor nga Albin Kurti dhe regjimi i tij që synon persekutimin dhe frikësimin e popullit serb në Kosovë, njoftoi Lista Serbe.

"Ky aktvendim nuk është gjë tjetër veçse një provë tjetër se nuk ka as ligj as drejtësi në Kosovë dhe Metohi - ekziston vetëm një makineri e organizuar e dhunës politike që punon në shërbim të spastrimit etnik dhe dëbimit sistematik të serbëve nga vatrat e tyre shekullore. Pa asnjë provë materiale, pa asnjë dëshmitar, pa asnjë element që do të vërtetonte ndonjë faj, këta tre serbë u dënuan vetëm sepse janë serbë - sepse nuk ulën kokën përballë terrorit të Prishtines dhe sepse qëndruan në tokën e tyre", thuhet në deklaratë.

Ata shtojnë se nuk duhet të harrojmë tërbimin mediatik që regjimi i Kurtit nisi që në ditën e parë të arrestimit të serbëve.

"Pa asnjë hetim, pa asnjë fakt, ministrat dhe zëvendësit e Kurtit i akuzuan ata si kriminelë dhe terroristë, duke ndikuar kështu drejtpërdrejt në rrjedhën e procedurave, duke shkatërruar atë pak që kishte mbetur nga iluzioni i drejtësisë në Prishtinë. Të njëjtët njerëz që u filmuan duke kryer dhunë kundër anëtarëve të forcave ndërkombëtare dhe veprimet e të cilëve zvarriten pafundësisht, të njëjtët që nxisin urrejtje dhe dhunë kundër serbëve, sot po gjykojnë njerëz, "gabimi" i të cilëve i vetëm ishte që mbetën të jetonin në komunitetet serbe", theksojnë ata nga Lista Serbe dhe thonë:

“Kjo nuk është një aktvendim ndaj tre personave – kjo është një aktvendim ndaj çdo serbi që dëshiron të qëndrojë dhe të mbijetojë në Kosovë dhe Metohi. Kjo është një mesazh se të jesh serb është krim dhe se qëndrimi në pronën tënde është shkelje dhe diçka që do të ndëshkohet me represion, procese të montuara dhe dënime me burg. Lista Serbe do të jetë pranë Milunit, Aleksandrit dhe Dejanit, dhe pranë familjeve të tyre, ashtu si edhe pranë çdo serbi që është shënjestër e këtij regjimi antinjerëzor. Ne do ta vazhdojmë luftën për secilin nga njerëzit tanë dhe për qëndrimin e popullit serb në Kosovë dhe Metohi – me çdo çmim.”