Lista Serbe ka marrë pjesë në tetë zgjedhje që nga viti 2013, bojkot për herë të parë

Që kur u miratua Marrëveshja e parë e Brukselit për normalizimin e marrëdhënieve në vitin 2013, e cila parashikonte se zgjedhjet komunale në veri të Kosovës do të organizoheshin për herë të parë në përputhje me ligjin e Kosovës, Lista Serbe mori pjesë në të gjitha proceset zgjedhore, në ato lokale ashtu edhe në zgjedhjet për deputetë. Gjithsej tetë prej tyre. Fillimisht si iniciativë qytetare, e më pas si parti.

Zgjedhjet e sotme të jashtëzakonshme në katër komuna serbe në veri të Kosovës janë të parat që bojkotohen nga Lista Serbe.

Zgjedhjet e para lokale sipas ligjeve të Kosovës në komunat serbe u mbajtën më 3 nëntor 2013, ndërsa kryetarët ose këshilltarët komunalë u zgjodhën gjithashtu më 22 tetor 2017, 19 maj 2019 dhe 17 tetor 2021.

Ndërsa zgjedhjet për deputetë janë mbajtur më 8 qershor 2014, 11 qershor 2017, 6 tetor 2019 dhe 14 shkurt 2021 dhe në to ka pasur kandidatët e saj edhe Lista Serbe.

Lista Serbe të premten i bëri thirrje popullit serb në veri të Kosovës që të bojkotojë zgjedhjet që po mbahen sot. Ata u kanë thënë qytetarëve që sot, në ditën e zgjedhjeve të jashtëzakonshme në katër komuna të veriut, të qëndrojnë të qetë dhe të mos bien në provokimet e regjimit të Albin Kurtit, qëllimi i vetëm i të cilit është të dëbojë serbët nga veriu i Kosovës e Metohisë duke zbatuar këto zgjedhje”.
Sipas tyre, ky proces zgjedhor është jolegjitim dhe i paligjshëm.

Siç kanë sqaruar disa herë nga Lista Serbe, ata kanë qëndruar konsekuent në qëndrimin e tyre se nuk do të marrin pjesë në zgjedhjet e jashtëzakonshme lokale në komunat në veri të Kosovës derisa të plotësohen kërkesat për të cilat u larguan nga institucionet e Kosovës, përkatësisht formimi i Bashkësisë së Komunave Serbe dhe tërheqjen e të gjitha njësive speciale të Prishtinës nga veriu i Kosovës.