Lista Serbe: Kurti vazhdon me represionin, heq të drejtën e mjekimit për serbët në Kosovë

Lista serbe thekson se regjimi i Albin Kurtit, me bastisjen e barnatoreve dhe vjedhjes së barnave në veri të Kosovës, i revokon popullit serb të drejtën për trajtim mjekësor dhe për këtë ai merr lëvdata nga komuniteti ndërkombëtar për respektimin e të drejtave të njeriut dhe mbështetjen për anëtarësimin në Këshillin e Evropës.

“Sot në Leposaviq, me urdhër të Kurtit, policët e armatosur deri në dhëmbë me xhipa bastisën dy barnatore në Leposaviq dhe një në Leshak dhe u morën ilaçe punonjësve para syve të të moshuarve dhe të sëmurëve, të cilët tani nuk mund ta marrin terapinë e përshkruar”, thuhet në njoftimin e Listës Serbe.

Nga Lista Serbe kujtojnë se për 10 muaj, në bazë të “verbalit”, supozojmë urdhra të Kurtit, është ndaluar dërgimi i ushqimeve dhe barnave nga Serbia qendrore, dhe të gjitha si pjesë e planit të regjimit në Prishtinë për të kërcënuar mbijetesën e popullit serb dhe për të hequr të drejtën për mjekim dhe jetë normale për popullin tonë.

Në njoftimin thuhet se përderisa nga njëra anë regjimi i Albin Kurtit vazhdon bastisjen e barnatoreve në veri të Kosovës, vjedhjen e barnave dhe revokimin e të drejtës së popullit serb për trajtim mjekësor, nga ana tjetër, komuniteti ndërkombëtar vlerëson të njëjtin regjim për respektimin e të drejtave të njeriut dhe mbështetjen e hyrjes së tij në Këshillin e Evropës.

“Ne kërkojmë që të ndalet represioni ndaj popullit tonë, që bashkësia ndërkombëtare të dalë përfundimisht nga letargji dhe të parandalojë persekutimin e popullit serb, ose të dalin publikisht dhe të thonë se e mbështesin atë që po bën Kurti”, përfundon deklarata.