Mariq: Kërcënimet e ministers Hajdari - terror në planin ekonomik

Deputeti i Kuvendit të Serbisë, Lubomir Mariq, ka vlerësuar sot se mesazhet e reja të ministres së Tregtisë së Kosovës, Rozeta Hajdari, janë terror në planin ekonomik dhe shtoi se serbëve po u dërgohet në çdo mënyrë mesazhi se nuk janë të mirëpritur.

Hajdari kërcënoi se do të pezullohen 48 kompanitë me Serbinë në emër të tyre, duke treguar se këta janë emra antikushtetues.

“Bëhet fjalë për vazhdimin e terrorit të Albin Kurtit dhe qeverisë së tij, e cila dëshiron Kosovën e pastër dhe monoetnike, të pastruar nga serbët dhe çdo gjë serbe, praktikisht mbyllën biznesmenët në zonat serbe. Është vazhdimësi e asaj – që gjithçka serbe nuk duhet dhe nuk mund të ekzistojë në Kosovë e Metohi”, tha Mariq për Kurir.

Ai përkujtoi se ndaj Telekomit është nisur një hetim për mostransparencë, edhe pse gjithçka është e rregulluar sipas legjislacionit të tyre.

Ai konstatoi se terrori vazhdon në nivelin ekonomik.

Sipas Mariqit, Prishtina po përpiqet të dobësojë edhe më tej komunitetin serb në kuptimin ekonomik, ndërsa bashkësia ndërkombëtare ende vetëm paralajmëron, pa presione mjaft të forta.

“Me siguri se edhe në BE janë në vazhdim pushimet verore. Terrori po vazhdon. Dje kemi pasur stërvitje në sallën e sportit në Mitrovicë dhe kanë dërguar forca speciale. Prandaj, në të gjitha nivelet, psikologjike, të sigurisë dhe të gjitha nivelet e tjera, ata po u dërgojnë mesazh serbëve - “Nuk jeni të mirëseardhur këtu!”, nënvizoi Mariq.