Millivojeviq: Ç'njohja tregon se shtetësia e Kosovës nuk është konfirmuar

Serbia nuk heq dorë nga Kosova dhe për këtë arsye fushata e ç'njohjeve përputhet me synimet afatgjata të Beogradit dhe do të vazhdojë edhe në të ardhmen, thotë diplomati i karrierës Zoran Milivojeviq për Kosovo Online.

Siç ka zbuluar ministri i Punëve të Jashtme të Serbisë, Ivica Daçiq, “lista e vendeve që kanë tërhequr njohjen e Kosovës po bëhet më e gjatë dhe në “sirtarin” e Beogradit është edhe një shtet tjetër që ka tërhequr njohjen e pavarësisë.  Është gjithsej vendi i 10-të që ka ndryshuar së fundmi vendimin e tij dhe aktualisht nga 193 anëtarë të OKB-së – 105 nuk e njohin Kosovën”.

Millivojeviq thekson se “Beogradi e ndërpreu përkohësisht atë fushatë duke respektuar Marrëveshjen e Uashingtonit, ndërsa pala e Prishtinës nuk e tradhtoi, kështu që fushata e njohjeve vazhdoi”.

"Ne do t'i përmbahemi asaj strategjie sepse nuk po heqim dorë nga Kosova. Ne nuk po e publikojmë listën e vendeve që tani e kanë tërhequr njohjen për të mos i futur në telashe, por kur të gjykohet se është momenti i duhur në komunikimi me ato shtete do ta publikojmë atë listë. Një gjë tjetër, e cila është shumë e rëndësishme, është një nga argumentet në sfidimin e shtetësisë së Kosovës, e cila nuk është vërtetuar prej 14-15 vitesh dhe është e qartë për të gjithë se është e kontestuar në aspektin e së drejtës ndërkombëtare si dhe në Rezolutën 1244. Se shtetësia e tyre nuk funksionon kanë treguar edhe ngjarjet e fundit sepse Prishtina nuk ka sovranitet mbi veriun e Kosovës dhe kjo është dëshmi se një sistem i tillë është i paqëndrueshëm”, thotë Millivojeviq.

Siç thekson diplomati serb, "këta ç'njohjet, ku vendet po ndryshojnë qëndrim nga më parë, tregojnë se shtetësia e Kosovës nuk është konfirmuar".

"Kjo ka pasoja të thella, të rëndësishme gjeostrategjike për interesat e Serbisë. Rritja e numrit të vendeve që nuk e njohin Kosovën na ndihmon në pengimin e qasjes së Kosovës ndaj organizatave të ndryshme ndërkombëtare si Interpoli, UNESCO dhe përfundimisht OKB-ja. Edhe me këto organizatat për të cilat kanë aplikuar tani si KE dhe BE, është e rëndësishme të theksohet se mjedisi politik po ndryshon dhe dalëngadalë po bëhet e qartë për vendet që e kanë njohur Kosovën se shtetësia e tyre është e paqëndrueshme. Është e rëndësishme të vazhdohet me këtë politikë sepse Serbia tregon se nuk do të heq dorë kurrë nga Kosova e Metohia”.