Ministria e Kulturës së Serbisë: Në vazhdim marrja me forcë e materialeve arkivore nga Leposaviqi

Ministria e Kulturës e Serbisë dhe Arkivi Shtetëror i Serbisë informojnë opinionin ndërkombëtar dhe vendor se materiali arkivor në Leposaviq, i cili i përket fondit arkivor të Serbisë, po hiqet me dhunë.

Në deklaratë theksohet se Policia e Kosovës me këtë po ushtron dhunë ndaj pasurisë kulturore të Serbisë.

“Materiali arkivor është sekuestruar dhe marrë me vete gjatë pushtimeve (Lufta e Parë Botërore, Lufta e Dytë Botërore) kështu që dhuna e fundit nga policia e Kosovës sjell kujtime të një vandalizmi të tillë. Kur materiali arkivor trajtohet përtej procedurave të përcaktuara nga standardet dhe ligjet ndërkombëtare arkivore në të gjitha vendet, atëherë quhet grabitje”, thuhet në njoftimin e Ministrisë së Kulturës.