Një mëngjes i qetë në Mëhallën e Boshnjakëve, punonjësit e pritën ditën e re të punës në ambientet zyrtare

Mëngjesi në Mitrovicën Veriore kalon i qetë, pasi në mesnatë skadoi afati për dëbimin e institucioneve serbe nga ndërtesa në Mëhallën e Boshnjakëve, të cilin e kishte caktuar administrata e kryetarit shqiptar të komunës së Mitrovicës së Veriut, Erden Atiq.

Punonjësit e këtyre institucioneve natën e kanë kaluar në ambientet zyrtare, ndërsa siç raporton reporteri i Kosovo online, para ndërtesës sot në mëngjes janë mbledhur gazetarë të shumtë.

Komunikacioni në atë pjesë të qytetit po funksionon normalisht dhe nuk ka prani të shtuar të Policisë së Kosovës.

Punonjësit në Zyrën për Kosovë dhe Metohi, në Fondin e PIO Krahinor, në Qendrën për Punë Sociale Vushtrri dhe përfaqësuesit e rrethit administrativ i Mitrovicës së Kosovës, të cilëve orari i punës u ka përfunduar dje në ora 15, nuk kanë shkuar në shtëpi dhe janë ende në vendet e tyre të punës. Ishte, siç thonë ata, një mënyrë për të dërguar përgjigjen e tyre për afatin që institucionet ku punojnë të largohen nga ndërtesa ku ndodhen.

Në fund të muajit të kaluar, policia dhe inspektorët komunalë hynë për herë të parë në ndërtesën në Mëhallën e Boshnjaçkëve dhe u dhanë afat punonjësve të institucioneve serbe tre ditë që të largoheshin nga zyrat e tyre, por dëbimi me dhunë u shty deri më 8 shtator.

Siç mëson Kosovo online, dje një ambasadë perëndimore në Prishtinë i ka kërkuar Atiqit që edhe një herë të shtyhet vendimi për dëbimin me forcë të institucioneve serbe. Atiqi dyshohet se i është përgjigjur pozitivisht asaj kërkese dhe dëbimi me dhunë i institucioneve serbe nga ndërtesa në Mëhallën e Boshnjakëve është shtyrë për pas datës 14 shtator, pas takimit të presidentit serb Aleksandar Vuçiq dhe kryeministrit të Kosovës Albin Kurti në Bruksel.

Përndryshe, Policia e Kosovës dje ka marrë një informatë se pikërisht në atë objekt ka pasur një mjet shpërthyes, por është konstatuar se informacioni ishte fals. Për këtë ka reaguar drejtori i Zyrës për Kosovë dhe Metohi, Petar Petkoviq, i cili ka thënë se ka qenë “mashtrim” i Kurtit për t'i larguar punëtorët, gjë që nuk ia ka dale ta bëjë.

Nënkryetari i Listës Serbe, Igor Simiq, ka thënë se përpjekjet e autoriteteve të Kosovës për të dëbuar institucionet serbe nga ndërtesa në Mëhallën e Boshnjakëve në Mitrovicën e Veriut kanë për qëllim dëbimin e të gjithë serbëve nga Kosova.

Edhe Bashkimi Evropian ka shprehur shqetësim për vendimin e autoriteteve në Mitrovicën e Veriut.

Zëdhënësi i Bashkimit Evropian, Peter Stano, ka bërë të ditur, edhe gjatë paraqitjes së parë të policisë dhe inspektorëve komunalë në ndërtesë, se ky veprim nuk i kontribuon përpjekjeve për deeskalimin e tensioneve në Kosovë.