Pavkoviq: Për mbijetesën e qeverisë me mbështetje minimale, çdo ligj do të ishte një pengesë e vështirë

Nëse Vetëvendosja arrin në kohën e duhur të sigurojë numrin e nevojshëm të votave për konstituimin e parlamentit dhe nëse formon një qeveri me minimumin e kërkuar prej 61 votash, për mbijetesën e një qeverie të tillë, sipas Milosh Pavkoviqit, bashkëpunëtor i Qendrës për Politika Evropiane nga Beogradi, çdo ligj që do të ishte në procedurë do të përbënte potencialisht një rrezik të madh.

"Për çdo ligj, qeveria do të duhej të vlerësonte nëse ai mund të ishte potencialisht problematik për ndonjë nga deputetët dhe të refuzohej. Pamë që një deputete, një deputete nga grupi boshnjak dhe minoritar, e kushtëzoi hyrjen e saj në qeveri me formimin e një komune boshnjake, e cila nuk u miratua. Dhe është kjar se për çdo ligj mund të ishte problematik", thotë Pavkoviq.

Qeveria, shton ai, nuk do të jetë në provë vetëm gjatë miratimit të ligjeve të propozuara, por edhe në lidhje me çështjen e zgjedhjeve të ardhshme lokale dhe zgjedhjen e Presidentit të Kosovës.

“Kjo ngre pyetjen nëse zgjedhjet lokale që do të mbahen gjatë vitit do të ndikojnë në rënien e qeverisë, si dhe zgjedhjet e ardhshme për presidentin e Kosovës që do të mbahen në fillim të vitit 2026. Të gjitha këto janë pengesa potenciale shumë të vështira që ka shumë të ngjarë të çojnë në rrëzimin e qeverisë, së bashku me çdo ligj që do të ishte në procedurë. Ligji i Buxhetit do të ishte veçanërisht sfidues, gjë që normalisht është problematike për çdo qeveri, veçanërisht për një qeveri kaq minimale”, thekson Pavkoviq.