Përfaqësuesit e Listës Serbe vizituan shtypshkronjën e djegur; Peroviq: Nuk do të më frikësojnë, shkojmë deri në fitore

Përfaqësuesit e Listës Serbe vizituan sot shtypshkronjën në pronësi të kandidatit të kësaj partie për kryetar të komunës së Zubin Potokut, Millosh Peroviq, e cila në orën 04:30 të mëngjesit u dogj në një zjarr. Ata theksuan se mbeten të bashkuar dhe unikë në luftën për mbijetesë. Peroviq theksoi se ngjarja e sotme nuk do ta frikësojë dhe as ndalojë në rrugën drejt fitores.

Siç theksoi ai në një deklaratë për media, ai nuk i ka borxh askujt dhe nuk është në ndonjë konflikt me këdo.

“Njeri nga bashkëqytetarët e mi nuk e priste që pas kandidaturës sime për kryetar të Zubin Potokut nga Lista Serbe, të ndodhte një incident i tillë, e fushata ende nuk ka nisur. U falënderohem bashkëqytetarëve të mi që më kanë përkrahur në gjithçka dhe që gjatë gjithë ditës më kanë dhënë mbështetje përmes rrjeteve sociale, telefonatave, por edhe personalisht. Falënderoj edhe familjen time që po e përballon të gjithë këtë. Ky akt që ndodhi këtu, personalisht ndaj meje, nuk do të më ndalojë. As mua, as shokët e mi partiakë që ta çojmë këtë proces deri në fund, ashtu siç kemi planifikuar – deri në fitore,” tha Peroviq.

Nënkryetari i Listës Serbe, Dragisha Milloviq, deklaroi se sot kanë ardhur për t’i dhënë mbështetje familjes Peroviq lidhur me incidentin që ndodhi dhe se do të kërkojnë që përgjegjësit të zbulohen.

“Dua në emër të Listës Serbe edhe një herë ta dënojmë sulmin dhe djegien e objektit në pronësi të Millosh Peroviqit, kandidatit tonë për kryetar të komunës së Zubin Potokut. I kuptoj emocionet e tij, edhe ne vetë u tronditëm kur pamë se çfarë dëmi ishte shkaktuar dhe çfarë kishte ndodhur, por jemi pikërisht këtu për t’i dhënë mbështetje atij dhe familjes së tij. Siç tha edhe ai, qëllimi është të qëndrojmë së bashku në këtë rrugë, dhe dihet se cila është ajo rrugë – të jemi të bashkuar, unikë dhe të qëndrojmë e mbijetojmë në hapësirat tona shekullore. Jam i sigurt se çdo qytetar dashamirës dhe më gjerë do ta dënojë një sulm të tillë, djegien, sepse për të gjithë ne mbi të gjitha është e rëndësishme harmonia, uniteti, siguria për ne dhe fëmijët tanë. Presim nga të gjithë, para së gjithash nga policia dhe EULEX-i, që të përfshihen, të zbulojnë kryerësit ose kryesin dhe t’i nxjerrin para drejtësisë. Ne do të japim mbështetje dhe jam i sigurt se së bashku do të qëndrojmë në këtë rrugë, dhe kjo është fitorja në zgjedhjet lokale,” theksoi Milloviq.

Milloviq tha se gjithçka tregon se ky është një sulm me motive politike.

“I hetimi do ta tregojë, por të gjitha indiciet flasin se ekziston një prapavijë politike me qëllim që të futet frika, pasiguria, si te Millosh dhe familja e tij, ashtu edhe te këshilltarët tanë, pra kandidatët për Kuvendin e Zubin Potokut. Unë besoj se kjo nuk do t’i frikësojë, sepse siç thashë, jemi në rrugën e duhur. Kujt i pengon Lista Serbe? Atyre që nuk janë për unitet, bashkim dhe për mbijetesën në këto hapësira,” përfundoi Milloviq.