Petkoviq: Beogradi është i gatshëm të bëjë kompromis për hir të paqes, Kurti po pengon dialogun

Drejtori i Zyrës për Kosovë dhe Metohi, dr Petar Petkoviq, ka takuar sot të ngarkuarin me punë të Ambasadës së Republikës së Portugalisë në Serbi, Jose Amaral, të cilin e ka njoftuar për pozitën e vështirë të popullit serb në KdheM dhe rrjedha aktuale të dialogut ndërmjet Beogradit dhe Prishtinës, me referencë të veçantë për raundin e fundit të bisedimeve në Bruksel.

Petkoviq, siç thuhet në deklaratën e Zyrës për KdheM, ka konfirmuar se javën e kaluar në Bruksel janë diskutuar të gjitha temat kyçe, nga deeskalimi i krizës në veri të KdheM, deri te zbatimi i të gjitha marrëveshjet e arritura deri më tani, në kuadër të dialogut ndërmjet Beogradit dhe Prishtinës.

Në kontekstin aktual, Petkoviq theksoi se Beogradi është një palë konstruktive në dialog, i gatshem për kompromis për hir të normalizimit të marrëdhënieve dhe ndërtimit të paqes së qëndrueshme dhe afatgjatë, por se presidenti i Serbisë, Aleksandar Vuçiq, "nënvizoi qartë qëndrimin e tij të vendosur se Beogradi nuk mund të pranojë pavarësinë e të ashtuquajturës Kosovë dhe anëtarësimin e saj në OKB”.

Po ashtu, sipas Petkoviqit, Beogradi është plotësisht i gatshëm për formimin e Asociacionit të Komunave Serbe, që është nevojë urgjente e popullit serb në veri të Kosovës dhe Metohisë dhe që duhet t'i garantojë të gjitha të drejtat kolektive për të qëndruar dhe mbijetuar në vatrat e tyre shekullore.

“Fatkeqësisht, Prishtina, e udhëhequr nga Albin Kurti, po përpiqet për të satën herë në çdo mënyrë të mundshme të pengojë vetë rrjedhën e dialogut dhe përmbushjen e obligimeve të marra, ashtu siç refuzon të mundësojë kushtet për shpalljen e zgjedhjeve lokale në katër komunat sebe në veri të Kosovës dhe Metohisë për të mbajtur kryetarët e tij të rremë në pushtet. Respektimi i zotimeve të marra në bisedimet ndërmjet Beogradit dhe Prishtinës do të ndihmonte për të arritur një zgjidhje gjithëpërfshirëse kompromisi për Kosovën dhe Metohinë, e cila është në interes të paqes në të gjithë rajonin”, ka përfunduar Petkoviq.