Petkoviq: Huliganët e Kurtit shkatërrojnë gjërat e dikujt tjetër se nuk kanë të tyren

Drejtori i Zyrës për Kosovë e Metohi, Petar Petkoviq, ka reaguar pas shkatërrimit të një mural me imazhin e Novak Gjokoviqit në Rahovec, duke thënë se kjo është bërë nga huliganët e Kurtit.

Petkoviq theksoi në Twitter se ata shkatërrojnë gjërat e dikujt tjetër sepse nuk kanë të tyren.

“Huliganët e Kurtit kanë shkatërruar sonte në Rahovec muralin e Novak Gjokoviqit tonë. Sado urrejtje të kenë ekstremistët, ata kurrë nuk do të mund të zhbëjnë sukseset e kampionit serb dhe tenistit më të mirë në botë dhe dashurinë e tij për Kosovën e Metohinë”, tha Petkoviq.

Murali u shkatërrua mbrëmë nga autorë të panjohur duke hedhur bojë të bardhë mbi imazhin e tenisit serb.

Muralja është pikturuar në mars të vitit të kaluar dhe pranë saj ishte shkruar një mesazh në italisht dhe serbisht: “Nuk ka kthim prapa, qoftë edhe për të kapur vrap”.