Petkoviq: Kutitë të votimit bosh janë humbje për Kurtin dhe komunitetin ndërkombëtar dhe fitore për unitetin serb

Me rastin e zgjedhjeve të djeshme në veri të Kosovës, Drejtori i Zyrës për Kosovë e Metohi, Petar Petkoviq, tha se në zgjedhje kanë dalë 13 serbë, ndërsa kontejnerët e votimit kanë qenë bosh, si dhe kutitë e votimit, gjë që tregon më së miri se kjo është humbje dhe debakli i Kryeministrit të Kosovës Albin Kurti, i bashkësisë ndërkombëtare dhe fitorja e unitetit serb.

Petkoviq theksoi për RTS se dje në veri të Kosovës janë mbajtur zgjedhje antidemokratike dhe antikushtetuese, të organizuara nga Kurti dhe të përkrahura nga një pjesë e mirë e bashkësisë ndërkombëtare, përkatësisht nga ata përfaqësues nga perëndimi që kanë thënë se do ta njohin rezultatet e atyre zgjedhjeve.

“Megjithatë, rezultatet e atyre zgjedhjeve flasin më së miri për karakterin antidemokratik të këtyre zgjedhjeve lokale të organizuara nga Prishtina, të cilat tregojnë se serbët i bojkotuan këto zgjedhje. Fakti se 1.567 votues nga gjithsej 45.950 të regjistruar në listën e votuesve kanë dalë për të votuar, më së miri tregon se veriu i Kosovës i bojkotoi plotësisht këto zgjedhje, gjegjësisht nga ai numër votuan 13 serbë. Fakti që 13 serbë dolën në votim, që kontejnerët ishin bosh, kutitë e votimit ishin bosh, tregon më së miri se kjo është humbja dhe debakli i Albin Kurtit, i komunitetit ndërkombëtar dhe fitorja e unitetit serb, i cili tregoi përgjegjësi të plotë, sepse populli dje nuk reagoi ndaj asnjë provokimi, qëndroi i qetë dhe e lejoi Kurtin ta bëjë këtë punë të pista”, tha Petkoviq.

Petkoviq deklaroi se zgjedhjet e djeshme ishin të paprecedentë në historinë e demokracisë evropiane dhe se me ndihmën e armave të gjata në kontejnerë u organizuan zgjedhje me qëllim të dëbimit të një populli të tërë.

“Populli ynë tregoi unitet të plotë dhe tregoi edhe një herë se ka besim tek presidenti i tij Aleksandar Vuçiq dhe se ka një shtet që quhet Serbi”, tha Petkoviq.

Petkoviq tha se serbët janë aty ku ishin dje dhe ku do të jenë në vitet dhe dekadat e ardhshme.

“Përfundimi është se me procesin zgjedhor dhe faktin që shqiptarët do të udhëheqin katër komunat serbe, ku do të qeverisin mbi 98 për qind të popullatës serbe në veri të Kosovës, dhe se në fakt populli serb është tërhequr plotësisht, tregohet realiteti i ri që po shfaqet, kjo tregon se serbët theksuan dhe nënvizuan se nuk ka normalizim të marrëdhënieve pa formimin e BKS-së, që do të thotë jeta dhe mbijetesa për popullin serb”, theksoi Petkoviq.

Albin Kurti ka dashur ta detyrojë popullin serb të votojë, thotë Petkoviq, dhe shton se bojkoti serb tregoi se "populli serb e dërgoi Albin Kurtin në kontejneri".

“Ajo që bëri Kurti muajt e fundit kur tha se do të kishte incidente në veri, se dje do të ishte dita e demokracisë, gjithçka ra në ujë, tani të gjithë mundën të shihnin fytyrën e vërtetë të Albin Kurtit i cili donte të përfitonte nga procesi zgjedhor për të dëbuar një populli të tërë dhe kjo është me të vërtetë e paprecedentë”, tha Petkoviq.

Petkoviq shtoi se ishte një fitorrja e Pirros për përfaqësuesit e Lëvizjes Vetëvendosje dhe DPK-së në Zveçan, Zubin Potok dhe Leposaviq.

“Ata tani i njohin rezultatet e zgjedhjeve krejtësisht jolegjitime dhe kur Kurti ndaloi referendumet serbe për Kosovën e Metohinë, ata nuk u shqetësuan dhe nuk ushtruan presionin e duhur ndaj Prishtinës dhe tani shohim në deklaratat e tyre që thonë se çështja e zgjedhjet është një e drejtë themelore dhe demokratike. Dhe pse nuk e thatë këtë kur kanë ndaluar zgjedhjet serbe”, pyeti Petkoviq.

Petkoviq ka theksuar se zgjedhjet nuk janë bojkotuar vetëm nga serbët, por edhe nga shqiptarët.

“Kur të shikoni rezultatet e zgjedhjeve, do të shihni nëse krahasoni rezultatet e vitit 2021 se dje votuan 449 shqiptarë më pak, që do të thotë se jo vetëm serbët i bojkotuan zgjedhjet por edhe shqiptarët, dhe nga ata 13 serb që votuan, dy kanë votuar në Mitrovicë të Kosovës, 7 në Leposaviq, 4 në Zveçan dhe zero në Zubin Potok”, shtoi Petkoviq.

Petkoviq tha se populli serb është përgjigjur se është kundër okupimit, se nuk do të lejojë askënd t'i qeverisë.

Petkoviq thekson se BKS është diçka që është e nevojshme, parakusht në marrëdhëniet ndërmjet Beogradit dhe Prishtinës.

“Gjithçka që po bën Perëndimi është të ndëshkojë Beogradin dhe LS-në për mospjesëmarrje në zgjedhje dhe ata kishin të drejtë ta bënin këtë, sepse çdo ditë Albin Kurti shkel të drejtat e tyre elementare njerëzore, duke arrestuar njerëz, ndërsa ROSU qëllon njerëz të pafajshëm, ndalon lirine e levizjes, ndalon njerezit me targa KM. Serbet nuk do ta pesojne terrorin e Albin Kurtit, me unitetin e tyre kanë treguar se janë fitues te vërtetë. Perendimi mund ta shpërblejë Kurin sa të dojë, populli serb ka dhënë përgjigjen”, tha Petkoviq.

Me rastin e seancës së sotme të Këshillit të Evropës, ku do të prezantohet aplikacioni i Kosovës për anëtarësim, Petkoviq pyeti nëse kjo tregon se ekziston demokracia.

“A është e ashtuquajtura Kosovë, ku lulëzon demokracia, ku në veri të Kosovës dolën dhe votuan 13 serbë, a duhet të bëhet pjesë e KE-së, a është ajo demokraci që duhet të bëhet shembull për shumë të tjerë në botë? A është kjo ajo që duhet të promovojë vetë OSBE-ja, ata u tërhoqën nga këto zgjedhje duke ia lënë ROSU-n që të ruante kutitë e votimit dhe të numëronte fletët e votimit, por ata nuk kishin asgjë për të numëruar, njerëzit nuk i mbështetën, njerëzit duan të jetojnë në tokën e tyre, ata duan lirinë, dhe unë i përgëzoj ata që qëndruan të qetë dhe që treguan përgjegjësinë e tyre të plotë ndaj vetes dhe të ardhmes së tyre”, përfundoi Petkoviq.