Petkoviq me Vujiqin për problemet e serbëve në Kosovë e Metohi: Në fokus dhuna institucionale dhe terrori i Prishtinës

Drejtori i Zyrës për Kosovë dhe Metohi, Petar Petkoviq, u takua sot me ministrin e drejtësisë Nenad Vujiq, me të cilin bisedoi për të gjitha problemet me të cilat përballen serbët në Kosovë.

„Sot pata një takim shumë të mirë me ministrin e drejtësisë në Qeverinë e Republikës së Serbisë, Nenad Vujiq, me të cilin fola për shumë çështje të rëndësishme që prekin jetën e popullit serb në Kosovë dhe Metohi, si dhe për problemet me të cilat përballet populli ynë çdo ditë për shkak të terrorit të Prishtinës“, shkroi Petkoviq në Instagram.

Ai shtoi se ka biseduar edhe për çështje që kanë të bëjnë me dialogun.

„Vëmendje të veçantë i kushtuam problemit të madh të dhunës institucionale, të cilës populli serb në Kosovë dhe Metohi i ekspozohet pothuajse përditë, në dritën e shumë shkeljeve të të drejtave të tyre të njeriut, arrestimeve të pabazuara, proceseve gjyqësore të montuara dhe mungesës së sundimit të ligjit, i cili do t’u garantonte atyre minimumin e të drejtave dhe drejtësisë“, përfundoi Petkoviq.