Petkoviq: Ultimatumi i Prishtinës për dëbimin e institucioneve serbe mund të çojë në thellimin e krizës në veri

Drejtori i Zyrës për Kosovë dhe Metohi, Petar Petkoviq, sot i ka dërguar një mesazh urgjent komunitetit ndërkombëtar, duke përfshirë vendet e Quinte-s dhe ndërmjetësuesin në dialog, Miroslav Lajçak, në të cilin ka paralajmëruar se ultimatumi për dëbimin e institucioneve serbe nga ndërtesa në Mëhallën e Boshnjaçkëve mund të çojë në thellim të krizës në veri të Kosovës dhe rritje shtesë të tensioneve në terren, raporton RTV.

Afati për largimin nga objektit në të cilin ndodhen objektet e Zyrës për KdheM, drejtoria e Fondit Pio, Qendra për Punë Sociale Vuçitërn dhe Qarku Administrativ Kosovë-Mitrovicë, i cili është shtyrë për dy javë dhe është caktuar nga kryetari i komunës së Mitrovicës së Kosovës, Erden Atiq, skadon nesër më, 8. shtator.

Në letrën e fundit që Petkoviq ka dërguar në disa adresa dhe në të cilën Tanjug ka pasur qasje, drejtori i Zyrës për Kosovë dhe Metohi ka theksuar se lëvizjet e tilla të njëanshme dhe jolegjitime të Prishtinës dhe Albin Kurtit nuk kontribuojnë në deeskalimin në veri, por përkundrazi - paraqesin një provokim të ri të rrezikshëm që ka vetëm për të kërcënuar të drejtat dhe jetën e popullit serb në veri të Kosovës dhe për të destabilizuar më tej situatën në terren.

Në këtë aspekt, në letër apelohet komuniteti ndërkombëtar që ta trajtojë këtë çështje me kujdes më të madh të mundshëm dhe të përdorë autoritetin e vet për të parandaluar “përshkallëzimin dramatik që Kurti dhe Atiqi duan të shkaktojnë me vendimin e paligjshëm për dëbimin e institucioneve serbe”.

Petkoviq përkujtoi se përpjekja për të dëbuar me forcë institucionet serbe nga Mitrovica e Kosovës dhe për të konfiskuar pronat serbe është një sulm i ri ndaj dialogut nga Prishtina, duke pasur parasysh se kjo çështje mund të konsiderohet vetëm në kontekstin e formimit të AKS, e cila është konfirmuar nga vetë Bashkimi Evropian në disa raste.

Kujtohet se me vendime të tilla të kundërligjshme, Kurti dhe Atiqi ua heqin të drejtën e punës rreth 43 punëtorëve në atë objekt, si dhe rrezikojnë të drejtat e dhjetëra mijëra serbëve, shqiptarëve, boshnjakëve, romëve, goranëve të cilët i ushtrojnë të drejtat e tyre përmes Fondi Pio ose Qendra për Punë Sociale Vuçitërn.

“Prishtina është e vetmja që dëshiron konflikte dhe destabilitet dhe do të ishte tragjike nëse do të arrinte ta realizonte atë interes”, përfundon letra.