PK ndërhyri në ambientet e QKS-së në Mitrovicën e Veriut, Lista Serbe kërkon reagimin e KFOR-it dhe EULEX-it

Pjesëtarët e Policisë së Kosovës mbrëmë kanë hyrë në ambientet e sigurimit të QKS Mitrovica s dhe të Qendrës Shëndetësore, ndërsa Lista Serbe menjëherë pas këtij intervenimi kontaktoi ambasadat e të gjitha vendeve të Quint-it, Misionin e BE-së, UNMIK-un, OSBE-në dhe KFOR-in, transmeton Tanjug.

Është kërkuar që sa më urgjentisht, në afërsi të institucioneve shëndetësore dhe arsimore, të dislokohen pjesëtarë të KFOR-it dhe EULEX-it për të parandaluar ndërhyrje të tilla që rrezikojnë punën e institucioneve dhe trajtimin e qytetarëve.

Kryeministri i Kosovës në mandat teknik, Albin Kurti, deklaroi mbrëmë se „dualizmi i sistemit shëndetësor dhe arsimor nuk është i qëndrueshëm“ dhe se është „e nevojshme inkorporimi dhe bashkimi i tyre“.

Pas kësaj, Lista Serbe njoftoi se kërcënimet për njëfarë integrimi të shëndetësisë dhe arsimit në sistemin kosovar nuk janë pjesë e asnjë negociate apo marrëveshjeje.

„Këto janë shtyllat e mbijetesës së popullit serb dhe ashtu do të mbeten. Të gjitha marrëveshjet ndërkombëtare flasin qartë se këto janë sisteme të ndara dhe kjo është ajo për të cilën Lista Serbe, me mbështetjen e popullit serb, do të luftojë“, thuhet në deklaratën e Listës Serbe, duke shtuar se për këtë kërcënim të qartë të Kurtit, pritet një reagim edhe më i fuqishëm i bashkësisë ndërkombëtare.