Policia e Kosovës bastisi ambientet zyrtare të Urbanizmit, Elshani: Vazhdim i aksionit të djeshëm

Policia e Kosovës mëngjesin e sotëm ka bastisur zyrat e Kompanisë për Planifikim Urban, Projektim dhe Inxhinieri në Mitrovicën Veriore, të cilat ndodhen në sistemin serb. Siç ka bërë të ditur për Kosovën online zëvendëskomandanti i Policisë së Kosovës për Rajonin Verior, Veton Elshani, është vazhdimësi e aksionit të djeshëm, kur policia bastisi ndërtesat e Drejtorisë për Tokë Ndërtimore dhe Drejtorisë për Çështje Banesore në Mitrovicën Veriore.

Lokalet afariste që ka bastisur policia ndodhen në një objekt në afërsi të Shkollës Teknike në Mitrovicën e Veriut.

Policia e Kosovës ka kërkuar nga përfaqësuesit e mediave që ishin mbledhur në vendngjarje që të largohen nga objekti, më pas nga zyrat janë nxjerrë thasë të zinj.

Përballë vetë objektit ndodhen disa vetura të Policisë së Kosovës, si dhe një veturë e inspektimit, njoftoi gazetari i Kosovo online nga vendi i ngjarjes.

Elshani ka bërë të ditur për Kosovo online se ishte vazhdimësi e aksionit të djeshëm.

“Policia e Kosovës po merr dokumentacionin nga një banesë e lidhur me një kompani urbanistike. Deklaratat e dëshmitarëve që ishin aty janë marrë në atë banesë. Ne kemi shkuar ta vizitojmë atë banesë sepse kemi marrë informacion se dokumentacioni në atë banesë është i lidhur me aksionin e djeshëm”, tha Elsani.