Popoviq: Arrestimi në Anëmoravën Kosovare presion ndaj sërbëve me synim frikësimin dhe dëbimin

Arrestimi i pesë sërbëve i cili ndodhi dje në orët e hershme të mëngjesit tregon se institucionet e përkohshme të vetqeverisjes ushtrojnë presion të madh ndaj komunitetit sërb në Anëmoravën Kosovare me qëllim frikësimin dhe dëbimin e tyre, thotë për Kosovo onlajn ndihmës drejtori i Zyrës për K&M Igor Popoviq.

“Arrestimi i zotërinjve Dragan Cvetkoviq, Dragan Niçiq, Millosh Shoshiq dhe Sllobodan Jevtiq nga Pasjani dhe zotit Nenad Stojanoviq nga Bosca, fakti që policia bastisi shtëpitë e tyre në orët e hershme të mëngjesit dhe u drejtoi armët automatike, tregon se qëllimi është presion tjetër politik ndaj sërbëve, veçanërisht në Anëmoravën Kosovare”, bën të ditur Popoviq.

Ky i fundit shton se Anëmorava Kosovare deri më tani është kursyer nga arrestimet masive që kanë ndodhur në veri dhe në Kosovën qëndrore.

“Megjithatë, shikojmë se regjimi në Prishtinë ushtron periodikisht presion ndaj njërit, tani ndaj mjedisit tjetër sërb për të terrorizuar në mënyrë të barabartë komunitetin sërb në Kosovë e Metohi me qëllim dëbimin dhe frikësimin e tyre”, thotë ai.

Gjithashtu, vlerëson bashkëbiseduesi ynë, arrestimi tregon se regjimi i Kurtit tenton të bëjë presion ndaj komunitetit sërb në fushatën zgjedhore.

“Dëshiron të fitojë pikë tek zgjedhësit nacionalistë dhe të tregojë se si përplaset ai me sërbët për të mbuluar të gjitha problemet që regjimi në Prishtinë ka lidhur me emigrimin e popullsisë, mungesën e ekonomisë dhe në përgjithësi çdo lloj perspektivë të atij regjimi. Fatkeqësisht, sërbët janë viktimë kolaterale e atij presioni dhe këtë e tregon arrestimi i djeshëm” tha Popoviq.

Ky i fundit kujton se sërbëve pas arrestimit i’u caktua paraburgim 30 ditor.

“Kjo me personat e arrestuar më parë nga veriu i Kosovës dhe Metohisë dhe Kosovës qëndrore, me hetimet dhe presionet policore në Shtërpcë tregon vazhdimësinë e terrorit ndaj sërbëve në Kosovë e Metohi”, shton ai.
Ai thekson se Zyra për K&M do t’u drejtohet përfaqësuesve të misioneve ndërkombëtare në Kosovë e Metohi, shteteve të Pesëshes, ambasadave...

“Edhe gjatë arrestimeve të mëparshme kemi kërkuar ndërhyrje, kemi kërkuar mbi të gjitha nga ato misione që kanë themeluar veprimtarinë e tyre në Kosovë e Metohi me mandatin për të vendosur sundimin e ligjit, me mandatin për mbrojtjen e të drejtave të njeriut. Apelojmë tek ta që të ushtrojnë mandatin e tyre. Kam frikë se deri tani nuk ka pasur ndonjë efekt të madh, sepse mbi të gjitha këtu përsëri përzihet politika. Ata kanë frikë të kritikojnë komunitetin politik shqiptar, kanë frikë të ndërhyjnë, e arsyetojnë me një lloj pavarësie të procedurave gjyqësore të institucioneve të Prishtinës” thotë Popoviq.

Nga ana tjetër, vlerësohet që institucionet prishtinase “në të vërtetë janë veçse një instrument me synim spastrimin etnik” dhe ato mbi të gjitha të ushtrojnë politikën e regjimit të Albin Kurtit.

“Ne do të kërkojmë dhe nga vendet e Pesëshes që të përfshijnë diplomatët e tyre, në mënyrë që të ushtrojnë presionin e nevojshëm mbi Prishtinën për të liruar njerëzit tanë për t'u mbrojtur të lirë. Të arrestohen njerëzit 25 vjet pas luftës, njerëzit që kanë jetuar gjatë gjithë kohës në Kosovë e Metohi, të cilët kanë qëndruar aty për të jetuar, në Anëmoravën Kosovare ku nuk ka pasur konflikte të armatosura në vitin 1998 dhe 1999, për të arrestuar ata njerëz vendas, njerëz mbi 50 vjeç dhe të sëmurë si Dragan Cvetkoviq, i cili është 90% invalid... Arrestimi i tyre, nxjerrja e tyre para familjeve të tyre dhe dërgimi i tyre në burgun e Podujevës në Grdovc, kjo është mbi të gjitha presion i madh ndaj sërbëve në Kosovë e Metohi”, thekson ai.

Ndihmësdrejtori i Zyrës për K&M thekson se si gjithmonë të arrestuarve do t’u ofrohet ndihmë juridike, financiare, logjistike dhe çdo ndihmë tjetër të mundshme.

"Do t'u drejtohemi çdokujt, do të vazhdojmë t'i ndihmojmë ata njerëz që mbi të gjitha të ruhet komuniteti ynë aty poshtë, veçanërisht në Anëmoravën Kosovare". Shpresojmë që presioni të japë fryte dhe njerëzit të lirohen” thotë ai.

Nënvizon se nëse Prishtina dëshiron të hetojë krimet e luftës, para së gjithash duhet të hetojë krimet kundër sërbëve, veçanërisht krimet e pazbardhura në Anëmoravën Kosovare.

“Kush i sulmoi sërbët në Cernicë? Kemi pasur djalë katër vjeçar që u vra në maj të vitit 2000 para dyqanit në Cernicë. Kemi pasur shumë sulme terroriste dhe shumë viktima në vetë atë Cernicë martire. Kemi pasur viktima të liqenit të Livadhit të cilët menjëherë pas luftës kanë qenë viktima të spastrimit etnik të Gjilanit, kemi pasur para së gjithash viktima të spastrimit etnik më 17 dhe 18 mars... Që do të thotë se dikush dëshiron të hetojë krimet e luftës dhe të pasluftës ndaj komunitetit sërb, ai ka mundësi t'i hetojë”, tha Popoviq.