Prenkaj: Emërimi i Wendt si ambasador në Tiranë tregon se SHBA-të po i kushtojnë përsëri vëmendje rajonit tone

Diplomati Albert Prenkaj beson se emërimi i Eric Wendt si ambasador në Shqipëri do të thotë që SHBA-të po i kushtojnë përsëri vëmendje këtij rajoni, duke pasur parasysh se që nga fillimi i administratës së Donald Trump, marrëdhëniet dypalëshe janë mbajtur nga të ngarkuarit me punë në ambasadat amerikane në Ballkanin Perëndimor.

Prenkaj për Kosovo online kujton se, kur bëhet fjalë për rajonin, në fillim u fol për emërimin e një ambasadori në Beograd.

"U fol për republikanin Marko Brnoviq, dhe më herët pati spekulime për emrin e Rod Blagojević si një ambasador i mundshëm në Serbi. Emërimi i gjenerallejtënantit në pension Eric Wendt si ambasador i SHBA-së në Tiranë mund të konsiderohet si kthim i vëmendjes së SHBA-së në rajonin tonë", thotë Prenkaj.

Në të njëjtën kohë, ai thekson se emërimi i Wendt duhet të konfirmohet në Senat.

"Në një kohë ndryshimesh paradigmatike në skenën ndërkombëtare, kur SHBA-të janë në proces të fillimit të zbatimit të Strategjisë Kombëtare të 'Doktrinës Monroe/Hemisferës Perëndimore', ndërsa kriza në Ngushticën e Hormuzit dhe lufta midis Izraelit, SHBA-së dhe Iranit janë duke vazhduar, duket se prania e një përfaqësuesi të lartë diplomatik në Tiranë, përveç aspektit simbolik, është edhe me rëndësi politike. Sigurisht, Gjenerali Wendt duhet të kalojë nëpër procedurat në Senat përpara se të marrë detyrën në Tiranë", tha Prenkaj.