Prokuroria Speciale: Arrestohet Lj. M. për shkak të dyshimit se ka kryer sulm ndaj pjesëtarëve të KFOR-it dhe PK-së

Me dyshimin se kishte kryer një sulm ndaj pjesëtarëve të KFOR-it dhe Policisë së Kosovës, është arrestuar burri Lj. M. njoftoi Prokuroria Speciale e Kosovës.

Siç thuhet në njoftim, pas disa muajsh hetimesh, hetuesit e policisë arrestuan të dyshuarin në komunën e Zveçanit.

Lj. M. dyshohet për veprat penale si në vijim: bashkim për veprimtari kundërkushtetuese, rrezikim i personave nën mbrojtje ndërkombëtare, pjesëmarrje në turmë që kryen vepra penale dhe huliganizëm, si dhe sulm ndaj personit zyrtar.

"Me autorizimin e prokurorit, u kryen edhe bastisje në shtëpinë e të dyshuarit, ku u gjetën prova materiale që konfirmojnë veprimet inkriminuese të të dyshuarit. Brenda afatit të përcaktuar me ligj, do t'i paraqitet një kërkesë Gjykatës Themelore në Prishtinë për caktimin e masës së paraburgimit kundër Lj. M", thuhet në komunikatë.