Qytetarët e Leposaviqit vazhdojnë protestën për shkak të hyrjes së zëvendësministrit për Komunitete dhe kthimit në objektin e Komunës

Qytetarët e Leposaviqit janë mbledhur sërish mëngjesin e sotëm për të protestuar kundër hyrjes së zëvendësministrit të Kosovës për Komunitete dhe kthimit të Radojica Radomiroviq dhe dhjetëra personave të tjerë në ndërtesën e komunës.

Radomiroviq me një grup prej dhjetë të rinjsh kanë hyrë në ndërtesën e komunës sot para orës gjashtë, i shoqëruar nga pjesëtarë të policisë, raporton reporteri i Kosova Online.

Qytetarët të cilët kanë disa muaj që protestojnë për shkak të qëndrimit të kryetarit ilegal shqiptar në ndërtesën e komunës, thonë se janë të pakënaqur me ardhjen e Radomiroviqit dhe kërkojnë nga KFOR-i që të veprojë në përputhje me mandatin dhe të pengojë dikë që të hyjë në ndërtesën e komunës.

Punonjësit në komunë, të cilët prej më shumë se dy muajsh nuk kanë mundësi të vijnë në vendet e tyre të punës, thonë se kjo është një tjetër formë provokimi.

Me të njëjtin grup personash edhe dje rreth orës nëntë, Radomiroviq ka arritur të hyjë në ndërtesë edhe pse qytetarët e Leposaviqit i kanë pritur me fishkëllima.

Edhe pse KFOR-i nuk ka lejuar dje hyrjen, pas pak më shumë se një orë ndalim, policia e Kosovës, përkundër kundërshtimit të qytetarëve të grumbulluar, ka lejuar dhijetra persona, të cilët pretendojnë se janë punonjës të administratës, të hyjnë në hyrjen e pasme të ndërtesa së Komunës të Leposaviqit.