Radhë për peticion në Leposaviq dhe Zubin Potok, qytetarët kërkojnë largimin e policisë speciale

Pikat për nënshkrimin e peticionit për tërheqjen e forcave speciale policore nga veriu janë ngritur mëngjesin e sotëm në të gjitha vendet në veri të Kosovës, ndërsa pas Zveçanit dhe Mitrovicës së Veriut, qytetarët u rreshtuan për të nënshkruar edhe në Zubin Potok dhe Leposaviq.

Njëra nga pikat është në qendër të Leposaviqit, ndërsa qytetarët në mënyrë masive nënshkruajnë një peticion në qendër të Zubin Potokut, afër ndërtesës së komunës.

Para nënshkrimit të peticionit, qindra serbë organizuan një protestë paqësore pranë pikë kontrolli të njësive speciale të policisë së Kosovës, për të ngritur zërin për, siç thanë ata, qëndrimin e keq dhe çnjerëzor të pjesëtarëve të forcave speciale të policisë ndaj tyre.

Nënshkrimi i peticionit filloi më 13 prill në afërsi të pikës së kontrollit të njësisë speciale të policisë së Kosovës afër urës së Bistricës, në rrugën kryesore Leposaviq - Mitrovicë dhe deri më tani e kanë nënshkruar mijëra qytetarë.

Në Leposaviq prania e KFOR-it është shtuar dukshëm ditëve të kaluara dhe sot.