Radovanoviq: Faktori ndërkombëtar të kontrollojë nëse marrëveshja për heqjen e ndalimit të importit të mallrave serbe është manipuluar

Shefi i Qendrës për Bashkëpunim Rajonal i Odës Ekonomike të Serbisë, Aleksandar Radovanoviq, thotë për Kosovo online se edhe pse zyrtarisht është hequr ndalimi për importin e produkteve të gatshme nga Serbia në Kosovë, faktori ndërkombëtar duhet të kontrollojë nëse ka mashtrua kur bëhet fjalë për heqjen e atij ndalimi.

“Aksioni i Doganës së Kosovës, i cili pezullon punën për dy ditë dhe i bën kamionët të presin dy ditë në vendkalim për të përfunduar procedurat doganore, ka një efekt demotivues për biznesmenët e të dyja palëve. Fatkeqësisht, një veprim i tillë i Doganës së Kosovës nuk i referohet diçkaje që është CEFTA, që janë korridore të gjelbra dhe as diçka që është marrëveshje me faktor ndërkombëtar”, thotë Radovanoviq.

Sipas tij, para vendosjes së ndalimit në vendkalimin Merdarë kalonin rreth 250 kamionë në ditë.

“Që kur u hoq ndalimi i importit të produkteve të gatshme nga Serbia, qarkullimi është shumë më i ulët, duke pasur parasysh se dogana e Kosovës ndalon punën dhe se edhe për dy ditë, asnjë kamion nuk kalon Merdarën. Dikur ndodhte që çdo ditë kalonin nga 30 deri në 40 kamionë që shkonin nga Serbia qendrore dhe destinacioni përfundimtar i tyre ishte Kosova, kështu që situata kur është fjala për qarkullimin e mallrave është shumë e vështirë dhe e dhimbshme për të gjithë, si për njërën anë ashtu edhe për tjetrën. Para së gjithash, për transportuesit që nuk do ta marrin përsipër transportin e mallit nga prodhuesi dhe klienti, sepse humbasin pesë ditë me transportin e mallit në tregun e Kosovës, pasi ka ndodhur që disa kanë kaluar dy-tri ditë në Merdar”, thekson Radovanoviq.

Në veçanti, shton ai, është komplikuar situata me vendosjen e lëndëve të para për të cilat nuk zbatohej ndalimi.

“Lëndët e para kanë mundur të qarkullojnë në të gjitha vendkalimet para se të merret vendimi për nxjerrjen e produkteve të gatshme nga Serbia dhe tani ato drejtohen edhe në Merdarë, kështu që kemi një turmë edhe më të madhe. Po ashtu, i gjithë tranziti i mallrave të ngarkuara në Serbinë qendrore, që shkon në Shqipëri, drejtohet në Merdarë”, thotë Radovanoviq.