Rreth stacionit policor në Lleposaviq ngrihen blloqe betoni

Rreth stacionit policor në Lleposaviq sot rreth orës 15 janë ngritur blloqe betoni.

Kamion me vinç dhe punonjës sollën blloqe betoni përpara stacionit policor të cilat gjatë ditës së sotme u vendosën përgjatë gardhit të vjetër me tela që ndodhet pranë trotuarit dhe rrugës, ku përditë kalojnë banorët e zonës, raporton gazetari i Kosovo Onlajn.

Blloqet me lartësi gati 2 metra dhe gjerësi rreth 1 metër u përdorën dhe për postbllok në rrugë përreth fshatrave gjatë tetorit dhe nëntorit të vitit të kaluar në Lleposaviq.

Përveç punëtorëve sot në stacionin policor ka hyrë vetëm një polic.

Ende nuk dihet se përse janë ngritur barrierat e betonit.

Stacioni policor ndodhet në afërsi të rrethrrotullimit në hyrje të qytetit për në drejtim të Rashkës drejt qendrës së Lleposaviqit.

Gjithçka deri më sot godina e stacionit policor ka qenë e rrethuar me gardh teli.

Në fund të prillit të vitit të kaluar në stacionin policor në Lleposaviq u vendos edhe flamuri i Kosovës.

LLEPOSAVIQ  POLICIA  SËRBËT E KOSOVËS  VERIU I KOSOVËS