Sadiku: Hamza nuk ka mbështetjen e SHBA-ve, Amerika do të bashkëpunojë me atë që i fiton zgjedhjet

Analisti nga Prishtina, Arbnor Sadiku, beson se SHBA-të do të bashkëpunojë me këdo që të fitojë zgjedhjet e ardhshme në Kosovë, dhe për Kosovo online e vlerëson takimin i kandidatit të PDK-së për kryeministër Bedri Hamza me të dërguarin e ri të SHBA-së për Ballkanin Perëndimor Aleksandar Kasanof si një fushatë elektorale e PDK-së dhe jo si mbështetje e SHBA-ve.

“Mendoj se takimi i zotit Hamza me zotin Kasanof është rezultat i lobimit të PDK-së për të organizuar një takim mes tyre të dyve për nevoja të brendshme elektorale dhe jo me kërkesë të SHBA-ve. Nuk mendoj se SHBA ka dashur t'i dërgojë ndonjë mesazh Albin Kurtit përmes këtij takimi, sepse e kaluara ka treguar që SHBA kanë qenë me çdo parti që fiton zgjedhjet”, thotë Sadiku.

Ai vlerëson se, sipas rrethanave aktuale, Vetëvendosja e Kurtit do të bëjë koalicion me PDK.

“Ai vetë ndoshta nuk do të mund t’i fitojë zgjedhjet dhe duket se SHBA-të do të bashkëpunojnë me atë që i fiton zgjedhjet”, thotë bashkëbiseduesi ynë.

E pyetur nëse zgjedhjet amerikane apo ato kosovare janë më të rëndësishme për marrëdhëniet e SHBA-së me Kosovën, Sadika thekson se zgjedhjet në SHBA janë të rëndësishme jo vetëm për të ardhmen e Kosovës, por edhe për gjithë situatën politike në botë.

“Por në rastin e Kosovës, mendoj se politika amerikane nuk do të ndryshojë në afat të gjatë. Mund të ketë ndryshime të vogla, por jo thelbësore”, thotë analisti nga Prishtina.