Staroviq: Që kur Albin Kurti erdhi në pushtet, popullsia serbe në fakt është shkatërruar

Sekretari shtetëror i Ministrisë së Mbrojtjes së Serbisë, Nemanja Staroviq, ka theksuar se që nga ardhja e Albin Kurtit në pushtet në Prishtinë, 11 për qind e serbëve janë larguar nga Kosova dhe theksoi se popullsia serbe në veri të Kosovës në dy vjet u shkatërrua efektivisht.

Staroviq ka theksuar në rrjetin social “X” se serbët në Kosovë janë të ekspozuar ndaj malltretimeve të përditshme nga njësitet paramilitare të policisë speciale.

"Të ekspozuar ndaj malltretimeve të përditshme nga njësitë e policisë speciale paraushtarake, serbët u lanë me një zgjedhje djallëzore - ose t'i nënshtrohen forcës ose të largohen nga shtëpitë e tyre. Duket e pabesueshme që një spastrim i tillë etnik i heshtur po ndodh në mesin e shekullit të 21-të në Evropë, por faktet në terren përputhen me të vërtetën e trishtë”, tha Staroviq.

Ai shton se kaq shumë përfaqësues ndërkombëtarë janë të përfshirë në çështjen e Kosovës në një mënyrë apo në një tjetër, por se “syri i tyre vigjilent” mbetet fare i mbyllur për shkak të injorancës, njëanshmerisë dhe paragjykimeve.