Stoilkoviq: Kumanova dhe Banjska tregojnë standardet e dyfishta të bashkësisë ndërkombëtare

Kryetari i Partisë Demokratike të Serbëve në Maqedoninë e Veriut, Ivan Stoilkoviq, beson se ngjarjet në Kumanovë në vitin 2015 dhe në Banjskë më 24 shtator tregojnë për standardin e dyfishtë të bashkësisë ndërkombëtare, duke pasur parasysh se si është parë ngjarja në Maqedoni, e cila, sipas tijë ishte më shumë se terrorizëm.

Stoilkoviq tha për Kosovo online se nuk sheh asgjë të re në faktin se këto dy ngjarje shikohen dhe cilësohen ndryshe, duke qenë se sjelljet hipokrite të bashkësisë ndërkombëtare i njohim prej vitesh.

“Jam i befasuar se sa harruan njerëzit, pra sa naivë janë politikanët që zbatojnë këto politika, politika të tilla të çmendura dhe besojnë se gjithçka që kanë bërë më parë, njerëzit e kanë harruar. Apo e gjithë kjo vlen për komunitetin ndërkombëtar i cili mendon se ne thjesht nuk jetojmë me të, se nuk e kemi idenë se çfarë po ndodh”, tha Stoilkoviç.

Ai pyet nëse mendojnë se “nuk e dimë se si u sollën kur dhe raste shumë më të këqija se ai në Kosovë, ishin pjesë e përditshmërisë sonë”.

“Në Kumanovë kishim diçka më shumë se terrorizëm. Ishte një tentativë, në një farë mënyre, për të bërë një revolucion në vend. Dhe kishit një grup shumë të organizuar të terroristëve shqiptarë me mbështetjen e strukturave të ndryshme, si këtu në Maqedoni dhe nga zona e Kosovës dhe Metohisë. Dyshoj se nuk ka qenë me mbështetjen e një pjese të bashkësisë ndërkombëtare”, ka thënë ai.

Ai thekson se të gjitha këto ngjarje tregojnë në një farë mënyre jo vetëm standardet e dyfishta të komunitetit ndërkombëtar, por edhe standardet e dyfishta të politikanëve individualë në rajon.

“Këtu po mendoj për Edi Ramën apo këta politikanë shqiptarë nga Kosova, që padyshim e kanë mendjen shumë të shkurtër dhe harrojnë se ata terroristë që sulmuan Maqedoninë u varrosën me nderime të larta shtetërore dhe se komuniteti ndërkombëtar heshti dhe nuk donte të përfshihej në gjithë atë proces”, thotë ai.