Surliq: Mbyllja e shkollave dhe spitaleve në sistemin serb do të çonte në një eksod masiv të serbëve

Profesori asistent i Fakultetit të Shkencave Politike, Stefan Surliq, thotë se ura kryesore në Ibër ka qenë prej kohësh simbol i veriut të papushtuar, ku autoritetet e Kosovës duan të ushtrojnë sovranitet mbi gjithë territorin e Kosovës dhe se të gjitha veprimet të autoriteteve kosovare që pasuan shpalljen e hapjes së urës, e cila ende është e mbyllur, produkt kompensimi, në mënyrë që të paraqiten para opinionit si shtypjen e të gjitha institucioneve të shtetit serb në veri të Kosovës.

“Mendoj se nuk do të ndalen me kaq dhe se Universiteti i cili disa herë është etiketuar si institucion i jashtëligjshëm, edhe pse është paraparë të ekzistojë sipas planit të Ahtisarit, do të sulmohet, mund të jetë nën sulm edhe shëndetësia dhe arsimi, por mendoj se për Kurtin ishte një hap i rrezikshëm mbyllja e shkollave fillore dhe të mesme dhe spitaleve sepse realisht do të çonte në një eksod masiv të njerëzve. Nëse flasim pse serbët ende jetojnë në Kosovë, kjo është për shkak të shëndetësisë dhe arsimit, të cilat janë ende nën sistemin serb. Supozoj se akterët ndërkombëtarë, edhe pse kanë një politikë të butë ndaj qeverisë së Aljbin Kurtit, e dinë se kjo është një vijë e kuqe që nuk duhet kaluar dhe se do të flasin me të me një ton tjetër kur bëhet fjalë për këtë. “, thotë Surliq.

Ai po ashtu thotë se ura kryesore në Ibër është monument i gjallë i serbëve që nuk janë më pjesë e njësive urbane të qyteteve si Prishtina, Prizreni, Peja, Ferizaj...

“Dihet mirë se ajo urë është simbol i mbrojtjes I pjesës së vetme urbane. Mitrovica e Veriut është qendër institucionale administrative, politike për të gjithë serbët që jetojnë në Kosovë, dhe ky është me të vërtetë synim për të shënuar territorin, për ta shfuqizuar atë qendër urbane e mbetur sepse në këto 25 vjet asnjë qeveri shqiptare në Prishtinë nuk ka treguar as edhe një grimë iniciativë për të pasur serb në qytete, për t'i pasur si element social, politik, relevant”, thekson Surliq.