Vasiq për heqjen e dinarit: Sistemi nuk ndryshohet brenda natës, zgjidhja duhet kërkuar në dialog në nivel teknik

Ish-sekretari i përgjithshëm i Asociacionit të Bankave të Serbisë, Vladimir Vasiq, lidhur me problemin e shkaktuar nga dekreti i Bankës Qendrore të Kosovës, me të cilin shfuqizohet përdorimi i dinarit, thotë se zgjidhja e situatës duhet kërkuar përmes dialogut në nivel teknik, pa hyrë në zonën e njohjes faktike të Bankës Qendrore të Kosovës dhe territorin e Kosovës si shtet i pavarur.

Duke pasur parasysh se dekreti i BQK-së ka hyrë në fuqi më 1 shkurt dhe se tre muaj janë caktuar si periudhë tranzicioni, por që në muajin e gjysmë që ka kaluar, nuk ka zgjidhje për serbët në Kosovë që marrin të ardhura nga buxheti i Serbisë, Vasiq thotë se nuk ka asnjëherë kohë të mjaftueshme për t'u përshtatur dhe gjithçka bëhet paraprakisht.

“Kjo, të paktën për mua si ekonomist, bankier, e gjitha ka ndodhur menjëherë. Sigurisht, fakti që euro ekziston atje që nga viti 2001, 2002, kur u zëvendësua marka gjermane, nuk është asgjë për t'u habitur, por nuk është një mënyrë për të ndryshuar një sistem të tërë brenda natës, mbi gjunjë, pa ditur se çfarë duhet bërë, ose të paktën në këtë anë, ne nuk kemi informacion të mjaftueshëm se çfarë mund të bëhet që njerëzit të marrin para. Gjëja 'më e lehtë' është të shkurtosh diçka, dhe nga ana tjetër shohim se si njerëzit nuk arrijnë të marrinë paratë e tyre dhe nuk mund të jetojnë. Koha po ikën dhe na duhet një zgjidhje sa më shpejt të jetë e mundur”, thotë Vasiq.

Në tërësi, siç thotë ai, ka dy dimensione - politike dhe njerëzore, gjegjësisht si të ndihmohen njerëzit në Kosovë që të marrin të ardhura, qoftë në euro apo dinarë.

“Sigurisht që do të donim të ishin dinarë sepse territori i Kosovës është pjesë përbërëse e Serbisë. Megjithatë, ne shohim se njerëzit në Kosovë kanë probleme me marrjen e dinarëve. Duhet të gjejmë një mënyrë, të paktën në nivel teknik, që personat fizikë të marrin autorizimet e tyre, qoftë duke paguar shtetin tonë euro në llogari dhe pastaj njerëzit tanë të tërheqin paratë. Për më të moshuarit, ndoshta zgjidhja do të ishte si kartat, t'i merrnin ato dhe ta lidhnin llogarinë me një llogari diku në Serbinë qendrore, megjithëse për ata të moshuar ndoshta problemi do të ishte se si të paguanin me kartela", thotë Vasiq.

Dimensioni i dytë, shton ai, ka të bëjë me atë se si Banka Qendrore e Serbisë mund të krijojë komunikim me BQK-në në nivel teknik, sepse “ekziston një zgjidhje se si të zbatohet kjo në praktikë”.

Vasiq gjithashtu beson se transferimi i parave për kompanitë publike dhe institucionet që marrin para nga buxheti i Serbisë do të jetë një sfidë më e madhe sesa kur bëhet fjalë për personat fizik, sepse pyetja është nëse ato institucione do të duhej të regjistroheshin në Agjencinë Kosovare për Regjistra të Bizneseve.

Në lidhje me atë se a ka pengesa ligjore që Serbia t'i paguajë pagat, pensionet dhe përfitimet tjera serbëve në Kosovë në euro, Vasiq thotë se zgjidhjet ekzistuese ligjore janë të mjaftueshme, por pyetja është se si do të zbatohen teknikisht.

“Ka marrëveshje mes disa vendeve apo territoreve të tjera në bazë të të cilave ne u paguajmë pensionet njerëzve tanë në euro, është model. Me faktin se këtu kemi një situatë specifike sepse është territori ynë. A do ta trajtojmë njësoj si çdo tjetër, kjo është një pyetje për ata që merren me atë temë”, thotë Vasiq.