Vlajiq: Gjykata e Apelit e anuloi vendimin kundër Dushko Arsiqit dhe urdhëroi një gjykim të ri

Gjykata e Apelit ka kthyer për rigjykim çështjen e Dushko Arsiqit nga Matiçani, i cili ishte dënuar nga Gjykata Themelore në Prishtinë me 13 vjet burg për krime lufte në vitin 1999, ka konfirmuar për Kosovo online avokati i tij, Nebojsha Vlajiq.

“Vendimi është anuluar për shkak të shkeljeve dhe gabimeve të shumta nga gjykata e shkallës së parë. Ankesa e paraqitur nga mbrojtja u pranua dhe gjykimi do të fillojë nga e para,” tha Vlajiq për Kosovo online.

Ai ka theksuar se ende nuk e di se kur do të mbahet një gjykim i ri për këtë rast.

Gjykata Themelore në Prishtinë e dënoi Dushko Arsiqin me 2 shkurt 2024 me 13 vjet burg për veprën penale “krim lufte”.

Mbrojtja më pas e apeloi vendimin.

Dushko Arsiq u arrestua më 8 dhjetor 2021, në vendkalimin Jarinjë, në prani të dy fëmijëve të mitur, pasi kishte ardhur për të zgjidhur problemet lidhur me pronën e uzurpuar në fshatin Matiçan, afër Prishtinës.

Prokuroria e akuzon atë se ka kryer një krim lufte në vitin 1999 në fshatin Butovc, në Kosovë.

Arsiq ka ngritur padi për uzurpim të pronës më 20 shtator 2021.