Von der Leyen: Është e rëndësishme që Kosova dhe Serbia të kthehen në dialog

Kryetarja e Komisionit Evropian, Ursula von der Leyen, i ka bërë thirrje Kosovës dhe Serbisë që t'i kthehen dialogut, duke thënë se kjo është e vetmja rrugë drejt së ardhmes.

Von der Leyen, në një konferencë me kryeministrin e Shqipërisë, Edi Ram, në prag të Samitit të Procesit të Berlinit, që do të mbahet nesër në Tiranë, ka theksuar se Kosova dhe Serbia duhet të kthehen në tavolinë për të normalizuar marrëdhëniet.

“Marrëveshja e Ohrit, e cila u arrit në shkurt dhe mars, është baza, themeli i pajtimit në dialogun ndërmjet Kosovës dhe Serbisë të udhëhequr nga BE-ja. Është shumë e rëndësishme që Kosova dhe Serbia të kthehen në tavolinë për të normalizuar marrëdhëniet e tyre. Vendi i duhur për pajtim është dialogu, sepse kjo është rruga e duhur për të ardhmen në të cilën Kosova dhe Serbia do të jenë pjesë e Bashkimit Evropian”, tha Von der Leyen.