Vuçeviq: Oficerët e policisë së Prishtinës me mbështetjen e Kfor-it hynë në Leposaviq dhe i zëvendësuan personelin në stacion

Ministri serb i Mbrojtjes Millosh Vuçeviq deklaroi se policia e Prishtinës ka hyrë mbrëmë në Leposaviq dhe me ndihmën e KFOR-it dhe ka zëvendësuar personelin në stacionin policor të Leposaviqit, raporton RTV.

Vuçeviq ka thënë se “sot në mëngjes ka marrë informacionin se një pjesë e policisë speciale është transferuar nga baza e Ferizajës në Mitrovicën dhe se bëhet fjalë për një grup prej 35 policësh”.

“Në Leposaviq ka pasur një zëvendësim të pjesëtarëve të policisë së Kosovës. Ekipi që më parë ishte nën kontrollin e Prishtinës është zëvendësuar me personel të ri. Ka pasur një ndryshim të personelit dhe ai personel ka ardhur me mbështetjen dhe transportuesit e KFOR-it. Këtë e ka konfirmuar edhe KFOR-i. Nuk është një fakt i këndshëm për ne, por duhet të jemi të vetëdijshëm për këtë”, tha Vuçeviq për TV Prva.

Ai thekson se në terren ka lëvizje dhe konfigurime të vazhdueshme të njësive kosovare.

“Ata kanë më shumë njësi, kështu që është shumë e vështirë të përcaktohet nëse janë ROSU, njësi operacionale apo intervenuese, ato i konfigurojnë ndryshe. Prej dy javësh situata është e tensionuar dhe këto tensione janë aq dramatike sa fjalë për fjalë një ndeshje mund t'i vërë flakën gjithçka”, paralajmëroi ministri e Mbrojtjes.