Vuçiq: Kam frikë se kjo është hyrje në një krize shumë më të thellë

Presidenti i Serbisë, Aleksandar Vuçiq, ka thënë sot se ka frikë se kjo është hyrje në një krize shumë më të thellë në muajt në vijim, dhe për këtë janë fajtorë ata që nuk kanë dashur ta dëgjojnë kurrë Beogradin dhe atë që kanë për të thënë serbët nga Kosova.

Presidenti theksoi se Bratisllav Nikolliq, së bashku me katër serbë të tjerë, është arrestuar një vit e gjysmë më parë në Podujevë me akuzën e keqpërdorimit të pozitës zyrtare dhe është ende në paraburgim "sikur të kishte vrarë dhjetë persona", dhe anëtari i FSK që qëlloi fëmijët tani është i lirë.

“Ne e dimë që ju keni shumicën në Këshillin e Evropës, NATO-n dhe BE-në, ju mund të vendosni çfarë të doni, vetëm mos na përfshini në ato gjëra të pista. Unë nuk kam frikë nga ju. Çfarë mund të më bëni? Të zbuloni llogaritë e huaja që kam, të zbuloni vila nga Toskana në Montana që nuk i kam? Për të më rrëzuar këtu? Mundeni, pra çfarë? Kjo nuk është aspak problem. Problemi është që ju të ndaloni së mashtruari Serbinë dhe të na poshtëroni neve si partner dhe filloni të na dëgjoni tani, përndryshe do të jetë shumë më e vështirë për të gjithë ne”, paralajmëroi Vuçiq.