Vuçiq: Konflikti i ngrirë nuk është zgjidhje, ditë të vështira dhe vendime janë përpara nesh

Sot ishte një bisedë e vështirë, ndoshta më e vështira që patëm, tha presidenti serb Alleksandar Vuçiq pas takimit me “pesëshen” ndërkombëtare, të udhëhequr nga i dërguari special i BE-së për dialogun Mirosllav Lajçak dhe përfaqësuesi special i SHBA-së për Ballkanin Perëndimor, Gabriell Escobar.

Siç ka thënë Vuçiq, "ajo për të cilën biem dakord është se një konflikt i ngrirë nuk është zgjidhje dhe kur ke një konflikt të tillë, është çështje kohe kur dikush do ta shkrijë, dhe kur individët e papërgjegjshëm do të shkatërrojnë paqen dhe stabilitetin e Ballkanit Perëndimor”.

Vuçiq tha se si president i Republikës së Serbisë është përballur pa mëdyshje me problemet dhe sfidat që do të vendosen para vendit tone, nëse nuk ishin dakord me planin e propozuar.

“Ne jemi të gatshëm ta pranojmë konceptin dhe të punojmë në zbatimin e tij në kushte të caktuara, por nuk mund të flas për këtë sepse propozimi nuk është publik. Megjithatë, e thashë shumë qartë dhe tregova gjithë kujdesin dhe rezervën në një çështje të rëndësishme, dhe në një gjë e rëndësishme. Sigurisht që nuk mund të flas për këtë, sepse propozimi nuk është publik", tha Vuçiq.

Ai tha se kanë kërkuar nga përfaqësuesit e atyre vendeve që të ndihmojnë në formimin e Bashkësisë së Komunave Serbe, që jo vetëm është premtuar por edhe është nënshkruar dhjetë vjet më parë dhe pas kësaj mund të bisedohet dhe të kthehet në institucione.

Ai theksoi se diplomatët perëndimorë e mirëpritën përparimin e Serbisë në rrugën evropiane.

“Sapo kemi kryer reformat në drejtësi dhe gjithçka që kemi dëgjuar për dekada dhe pres mbështetje në rrugën tonë evropiane”, shtoi presidenti.

Presidenti vuri në dukje se “nuk na presin ditë të lehta”.

"Njerëzit duhet ta dinë se këtu nuk ka biseda të bukura dhe as të ëmbla. E vetmja gjë që mund të them është se kam bërë maksimumin për të mbrojtur Serbinë, gjë që do të vazhdoj ta bëj për të paktën një kohë. Faleminderit", përfundoi Vuçiq.

Presidenti i Serbisë bëri të ditur se në ditët dhe javët në vijim do të zhvillojë konsultime me anëtarët e Qeverisë dhe Kuvendit për propozimet që u diskutuan sot.

Përveç Lajçakut dhe Escobarit, në delegacionin ndërkombëtar ishin edhe Këshilltari për Politikën e Jashtme dhe Sigurinë e kancelarit gjerman, Jens Plletner, Këshilltarin për Politikë të Jashtme të presidentit francez Emanuell Bonet dhe Kshilltarin për Politikë të Jashtme dhe Siguri të kryeministrit italian, Françesco Tallo.