Vuçiq me Chen Bo: Seanca e nevojshme e Këshillit të Sigurimit të OKB-së për kërcënimin e Serbëve në Kosovë

Presidenti i Serbisë, Aleksandar Vuçiq, sot ka pritur në takim ambasadorën e Republikës Popullore të Kinës, Chen Bo, të cilën e ka njoftuar në detaje për kërcënimin ndaj serbëve në Kosovë dhe Metohi dhe për situatën delikate të sigurisë, e cila po cenon stabilitetin e vendit dhe gjithë rajonit.

Në kuadër të kësaj ai theksoi se e konsideron të nevojshme mbajtjen e një seance të veçantë të Këshillit të Sigurimit të OKB-së, në mënyrë që i gjithë opinioni botëror të mësojë për tensionet në Kosovë dhe Metohi dhe gjendjen e rëndë të Serbëve atje, thuhet në komunikatë për media.

Në këtë drejtim, ambasadorja Chen theksoi: "Qëndrimi ynë për çështjen e Kosovës dhe Metohisë është shumë i qartë për ju. Ne mbështesim gjetjen e një zgjidhjeje në kuadër të dialogut dhe Rezolutës 1244 të Këshillit të Sigurimit të OKB-së. Ne mbështesim përpjekjet e Serbisë për të ruajtur integritetin dhe sovranitetin e saj territorial. Ne gjithmonë i kuptojmë dhe mbështesim kërkesat legjitime dhe racionale të palës serbe”, tha ambasadorja kineze.

Presidenti Vuçiq theksoi dinamikën e jashtëzakonshme të bashkëpunimin ndërmjet Serbisë dhe Kinës, bazuar në besimin dhe respektin reciprok, si dhe në një ekonomi stabile dhe planifikim strategjik që synon projekte afatgjata në nivel kombëtar dhe rajonal.

Ai gjithashtu përsëriti mirënjohjen e tij për miqtë kinezë dhe ambasadoren Chen Bo, për angazhimin e saj personal dhe përpjekjen e madhe që ajo bëri në forcimin e marrëdhënieve midis Serbisë dhe Kinës, duke ndarë me ne gëzimin e sinqertë për çdo autostradë, urë, hekurudhë dhe fabrikë të ndërtuar.