Vulletiq: Ambiciet e Kurtit janë më të mëdha se pavarësia e Kosovës

Vetëvendosja që në fillim ka një ambicie më të gjerë se pavarësia e Kosovës beson sociologu Vlladimir Vulletiq, duke komentuar angazhimin e paralajmëruar të asaj lëvizjeje në zgjedhjet në Maqedoninë e Veriut.

Pavarësia e Kosovës, thotë ai, është vetëm hapi i parë drejt zgjidhjes përfundimtare të çështjes kombëtare shqiptare, siç e imagjinon Kurti.

Një shtet homogjen kombëtar që përfshin të gjithë shqiptarët është një nga qëllimet e pambuluara të Kurtit dhe Vetëvendosjes, thotë Vulletiq, duke kujtuar se kjo është mënyra e zgjidhjes së çështjes kombëtare, siç ka qenë e vlefshme në shekullin e 19-të.

“Përderisa rendi ndërkombëtar është i tillë, asgjë nuk mund të bëhet për këtë. Por kur shohim se po vjen koha kur i gjithë rendi global po testohet, kur ka tensione dhe konflikte në pjesë të ndryshme të botës, mund të ndezë seriozisht tensionet, dhe ky nuk është më problemi i Serbisë dhe Kosovës, është edhe i Greqisë, Malit të Zi, Maqedonisë...Kjo pastaj në njëfarë mënyre homogjenizon jo vetëm shqiptarët, por të gjithë ata që do të kërcënoheshin nga një politikë e tillë e Kurtit”, thotë Vulletiq.

Ai shton se përpjekja për të destabilizuar Maqedoninë e Veriut do të ishte një sinjal i qartë për qeveritë e tjera në rajon dhe një paralajmërim se ky nuk është fundi i ambicieve të Kurtit.

Megjithatë, thotë Vulletiq, në këtë mënyrë Kurti në radhë të parë po përpiqet të forcojë pozitën e tij karshi Beogradit.

“Mesazhi i tij është se nëse nuk na lejoni apo nuk na ndihmoni ta zgjidhim çështjen e pavarësisë së Kosovës menjëherë dhe tani, atëherë do t’i vëmë zjarrin gjithë Ballkanit”, ka shpjeguar Vlletiq.
Vulletiq kujton se edhe në ish-Jugosllavi, Kosova ishte kapsula fillestare pas së cilës u zgjuan orekset e tjera në republika.

Tani, paralajmëron ai, zgjerimi i "çështjes shqiptare" në të gjithë Ballkanin mund të ndikojë në sigurinë e të gjithë rajonit.