Zyra për KdheM: Është gjuajtur me gurë shkolla serbe në Kamenicë

Zyra për KdheM ka bërë të ditur se keqbërësit shqiptarë kanë gjuajtur me gurë një shkollë serbe në Kamenicë mbrëmë rreth orës 21:00, duke shtuar se nuk ka të lënduar.

Siç thuhet në njoftim, në atë objekt janë të vendosura tri institucione arsimore serbe, përkatësisht shkolla fillore “Desanka Maksimoviq”, shkolla e mesme teknike dhe gjimnazi.

 “Fatmirësisht në momentin e ngjarjes në këto shkolla nuk ka pasur asnjë nxënës, por edhe ky incident, si shumë të mëparshme, ka shqetësuar prindërit dhe fëmijët e tyre. Sipas dëshmitarëve okularë, shkollat janë qëlluar me gurë nga të rinj shqiptarë të cilët një natë më parë, varen flamuj të papërshtatshëm në gardhin e shkollës. Është e qartë se në Kosovë dhe Metohi po krijohet një klimë në të cilën serbët nuk janë më të sigurt në shkolla, qendra shëndetësore, shtëpi apo kisha, sepse nuk ka asnjë ndërtesë serbe që nuk është plaçkitur, nuk është gjuajtur me gurë kontrolluar, plaçkitur apo djegur…”, thuhet në njoftim.

Zyra thotë se gjuajtja me gurë e shkollës tregon se vala e dhunës dhe presionit ndaj popullit serb e gjeneruar dhe iniciuar nga autoritetet në Prishtinë reflektohet dhe transmetohet te brezat më të rinj.

"Kjo krijon një atmosferë në të cilën madje është e dëshirueshme dhe e përshtatshme të sulmohen serbët dhe t'i gjuajnë me gurë, dhe se askush nuk do të mbajë përgjegjësi për këtë. Në vend të bashkëjetesës paqësore dhe zhvillimit të tolerancës reciproke, respektit dhe diversitetit,  politikanët e Prishtinës të udhëhequr nga Albin Kurti, përdorin politikën e terrorit dhe ndezjes me deklarata antiserbe, krijojnë një atmosferë në të cilën është legjitime të sulmohen serbët, në të cilën kur një pjesëtar i të ashtuquajturit FSK qëllon fëmijët serbë lirohet dhe në të cilën askush nuk mban përgjegjësi për pushkatimin e serbëve, për rrahjen e adoleshentëve serbë Daren dhe Kristijanin, për lavrimin e varrezave dhe kockave serbe. Në një klimë të tillë, komuniteti ndërkombëtar është vetëm një vëzhgues i heshtur i rritjes së dhunës me motive etnike kundër populli serb në vend që të vendoset qartë dhe publikisht kundër veprimeve të tilla dhe të ndërmarrin hapa për të mbrojtur serbët që është detyrë sipas mandatit të tyre”, thuhet në deklarat.