Odalloviq: Pres që së shpejti të takohemi për formimin e një komisioni të përbashkët për të zhdukurit

Kryetari i Komisionit për Persona të Zhdukur, Velko Odalloviq, tha sot se shumë shpejt pret një takim në të cilin duhet të diskutohet për formimin e Komisionit të përbashkët për Deklaratën për Personat të Zhdukur, pasi është parakusht për vazhdimin e punës në terren, raporton RTV.

Ai tha për Tanjug se formimi i një komisioni të përbashkët është parakusht për vazhdimin e punës në terren, në lokacione dhe për rikthimin e gjithë procesit, i cili, thotë ai, u ndërpre për dy vjet nga politika e paarsyeshme e Albin Kurtit.

“Në mes Beogradit dhe Prishtinës janë ndarë shumë informacione, ka edhe informacione të reja dhe për këtë pres që të takohemi sa më shpejt në nivel të grupit punues dhe ato informacione t'i ndajmë mes vete, pasi kemi bërë më parë dhe të biem dakord për dinamikën, detyrime, sipas cilës dinamikë do të bëjmë kërkimin dhe kontrollimin për atë informacion dhe për të shfrytëzuar kohën që po vjen”, shprehet ai.

Odalloviq shton se koha aktuale është kur është e mundur të punohet në terren dhe se deri në fund të vjeshtës do të kontrollohen dhe hetohen një pjesë e mirë e informacioneve dhe lokacioneve për të cilat ka informacione.

Komisioni i Përbashkët i Deklaratës për të Zhdukurit, tha ai, duhet të përbëhet nga një përfaqësues i BE-së, përfaqësues të Beogradit dhe Prishtinës, përfaqësues të lartë pjesëmarrës në dialog dhe, si vëzhgues, presidenti i Komitetit Ndërkombëtar të Kryqit të Kuq.

Sipas listës së konsoliduar të personave të zhdukur të dakorduar nga Beogradi dhe Prishtina me Komitetin Ndërkombëtar të Kryqit të Kuq dhe rekordi e mbajtura nga ky komitet, Odalloviq thotë se për momentin 1621 persona janë të zhdukur.