Radomiroviq: Kosovo online u shpall “Troll i muajit” për rrëfimin e të vërtetës për Reçakun

Kryeredaktori i portalit “Pištaljka” Vlladimir Radomiroviq ka deklaruar se portali “Kosovo Online” në fakt është shpallur “Trolli i muajit” për rrëfimin e të vërtetës për Reçakun.

Rrjeti i Raportimit të Diversitetit (RDN) e shpalli “Kosovo Online” si “Troll i muajit” për shkak të qëndrimeve të shprehura për ngjarjet në Reçak, të cilat u raportuan edhe nga disa media shqiptare, dhe Radomiroviq thotë se një reagim i tillë ndaj thënies së së vërtetës është vetëm pasojë e gënjeshtrave me dekada.

“Shumica e popullatës në Kosovë dhe Metohi i besuan gënjeshtrave të veta për veten dhe krijimin e “shtetit” të tyre, kështu që ky lloj reagimi ndaj thënies së së vërtetës është vetëm pasojë e gënjeshtrave me dekada. As në Reçak nuk ka ndodhur ndonjë masakër ndaj civilëve të pafajshëm, as nuk ka ekzistuar ndonjë lloj ushtrie çlirimtare. Ishte një organizatë terroriste që nuk luftoi për liri, por për nënshtrimin dhe dëbimin e një grupi etnik, dhe për këtë kishte mbështetjen e Perëndimit dhe mediave kryesore perëndimore që përsërisnin në mënyrë jokritike qëndrimet e qeverive të tyre. Kështu, Ushtria shumëkombëshe e Jugosllavisë u shpall pasuese e Vermahtit dhe terroristët dhe vrasësit u festuan si heronj të demokracisë dhe baballarë të një kombi të ri”, tha Radomiroviq.

Sipas Radomiroviqit, në atë mit ishte ngulitur një gënjeshtër për ngjarjet në Reçak.

"Kush nuk beson në një mit dhe në vend të kësaj ofron fakte, si portali juaj, shpallet “troll” që përhap urrejtje dhe mashtron qytetarët. Nuk do të habitesha nëse hapi tjetër do të ishte kërkesa për të ndaluar punën tuaj ose për të bllokuar hyrjen në faqe nga territori i Kosovës.  Më intereson vërtet se si Instituti për Diversitet Mediatik (një nga themeluesit e RDN) dhe drejtoresha e tij, ish-gazetarja e TV Beograd, Millica Peshiq, e shpjegojnë rolin e tyre në këtë ndjekje dhe shtrembërim të së vërtetës”, thotë Radomiroviq.