Zyra për Kosovë e Metohi: 22 vite pas krimit në Livadicë, autorët nuk janë gjetur

Sot mbushen 22 vjet që kur në Kosovë është kryer një nga krimet më të rënda ndaj serbëve që nga ardhja e forcave ndërkombëtare, kur 12 serbë u vranë dhe 43 u plagosën rëndë në një sulm në autobusin "Nis Express" në Livadicë afër Podujevës, njoftoi Zyra për Kosovë e Metohi.

Në autobus ishin serbët e zhvendosur të cilët, të shoqëruar nga ushtarët e KFOR-it, po shkonin në Graçanicë për të shënuar përshpirtje.

Zyra për Kosovë e Metohi rikujton se Sunçica Pejçiq, Zhivana Tokiq, Sllobodan Stojanoviq, Mirjana Dragoviq, Velko Stakiq, Nenad Stojanoviq, Millinko Kragoviq, Llazar Millkiq, Dragan Vukotiq dhe Nebojsha, Snezhana dhe Danilo Cokiq, që ishte dyvjeçar, vdiqen në këtë sulm monstruoz.

“Fakti që për njëzet e dy vjet organizatat ndërkombëtare dhe institucionet e përkohshme të vetëqeverisjes në Prishtinë nuk kanë mundur të gjejnë dhe ndëshkojnë ekzekutuesit dhe urdhërdhënësit e këtij sulmi terrorist, as vrasësit e fëmijëve serbë në Gorazhdec, katërmbëdhjetë korrësit në Grackë e Vjetër, familjes Stolliq në Obiliq, përgjegjësit për djegien dhe rrënimin pothuajse të përditshëm të shtëpive serbe dhe përdhosjen e kishave dhe manastireve, i bën të pakuptimta të gjitha tregimet për sundimin e ligjit dhe drejtësisë në Kosovë e Metohi, por gjithashtu paraqet dëshmi e qartë kristal e themeleve kriminale të të ashtuquajturit shtetësi e Kosovës”, thuhet në njoftim e Zyrës për Kosovë e Metohi.

Zyra shton se presin dhe kërkojnë nga bashkësia ndërkombëtare dhe autoritetet kompetente që hetimi për këtë dhe të gjitha rastet e tjera të sulmeve ndaj serbëve të ripërtërihet sa më shpejt që të jetë e mundur, të zbardhen të gjitha krimet e pazbardhura dhe që ekzekutuesit e tyre të menjëhershëm dhe urdhërdhënësit të dënohen drejtësisht, që më në fund do të sillte paqe për viktimat dhe pak ngushëllim për familjet, thuhet në njoftim.

“Dhe në fund, sot, kur kujtojmë me pikëllim dhe dhimbje viktimat e këtij sulmi të pakuptimtë, themi se serbët nuk duan thellimin e armiqësive dhe përçarjeve mes dy popujve, por me të drejtë besojnë se nuk mund të ketë pajtim të vërtetë pa ndëshkuar përgjegjësit për krimet kundër popullit serb dhe pa krijuar një klimë politike në të cilën ata nuk do të kërcënohen me dhunë dhe krime të reja”, thuhet në njoftim.