Popoviq: Serbët nga Kosova në zgjedhje treguan unitetin e tyre dhe se nuk i nënshtrohen presioneve nga Prishtina

Kosova në zgjedhjet e djeshme kanë treguar se nuk i nënshtrohen presioneve të Prishtinës dhe të besosh se politika e presidentit serb Aleksandar Vuçiq është ajo që çon drejt paqes dhe stabilitetit.

Popoviq theksoi se serbët nga Kosova kanë treguar unitet, gjë që i detyron përfaqësuesit politikë që të punojnë edhe më shumë dhe më mirë në të ardhmen.

“Edhe një herë kemi treguar unitetin e popullit serb në zonën e Kosovës dhe Metohisë. Rezultatet e tilla të mira na obligojnë që të punojmë edhe më shumë dhe më mirë për çdo individ, për çdo familje që jeton në zonën e Kosovës dhe Metohisë. Serbët e këtyre zonave edhe një herë kanë treguar se nuk i nënshtrohen asnjë presioni, dhune, persekutimi nga Prishtina. Këtë e treguan zgjedhjet e djeshme, në të cilat serbët nga Kosova dhe Kosova dolën në numër shumë të madh”, tha Popoviq.

Ky është një tregues, shton Popoviq, se e vetmja rrugë, rruga e së vërtetës dhe e drejtësisë, është rruga e udhëhequr nga presidenti Aleksandar Vuçiq.

“Serbët nga Kosova dhe Metohia kanë vuajtur shumë, sidomos gjatë 20 viteve të fundit, kështu që nuk u nënshtrohen premtimeve të rrejshme, apo siç e përmenda, presioneve dhe dinë të njohin vlerat e vërteta. Kështu që ne dërguam një mesazh të qartë në zgjedhjet e djeshme”, ka përfunduar Popoviq.