Vuçiq: Serbët vendosën të heqin barrikadat, por nëse Kurti vazhdon me terrorin, ai do ta mbyllë veriun dhe unë do të jem me ta

Pas takimit me Shtabin e Krizave nga barrikadat, Presidenti serb Aleksandar Vuçiq ka deklaruar se serbët e kanë pranuar propozimin e tij për heqjen e barrikadave, por që nuk i besojnë Albin Kurtit dhe në rast të arrestimeve dhe përndjekjeve të vazhdueshme, ata do të vendosin barrikada që nuk do të hiqen më.

Ne kishim biseda të vështira, por ishim shumë të sinqertë me njëri-tjetrin. Siç e kuptoj unë, ky është përfundimi i Shtabit nga barrikadat. Njerëzit më thanë se nuk duan të shkojnë kundër vendit të tyre”, tha Vuçiq.

"U luta atyre, i lashë të qetë të merrnin një vendim dhe më pas më dorëzuan atë që po bënin në barrikada. Serbët nuk besojnë në institucione”, ka thënë Vuçiq dhe ka lexuar tekstin që përfaqësuesit serb ia kanë dorëzuar.

“Ne besojmë vetëm në shtetin e Serbisë dhe në Ju personalisht, prandaj kërkojmë një fjalë të qartë se kemi mbështetje për atë që vijon. Nëse terrori vazhdon, ne do ta mbyllim përgjithmonë veriun e Kosovës për institucionet e Prishtinës, kërkojmë garanci se nuk do ta njohin kurrë pavarësinë e Kosovës”, lexoi presidenti dhe shtoi. “ Nëse ata fillojnë të arrestojnë serbët për shkak të barrikadave, çfarëdo që të bëni më pas, unë qëndroj prapa jush”, tha ai.

Barrikadat do të hiqen, por mosbesimi nuk është i hequr”, ka përfunduar Vuçiq.