Dokument i brendshëm i Vetëvendosjes: Metoda revolucionare e Kurtit, duart e ndyra dhe përhapja e dezinformatave

Dokumenti i brendshëm i Vetëvendosjes, në të cilin lideri i kësaj lëvizjeje, Aljbin Kurti, u tregon kolegëve të tij partiak se duhet të përdorin një qasje revolucionare për të fituar dhe mbajtur pushtetin, të jenë të gatshëm të "ndyni duart" dhe të përqendrohen në përhapjen e dezinformatave, iu është prezantuar anëtarëve dhe simpatizantëve të partisë pesë vjet më parë dhe i rrënjosur thellë në politikën e zbatuar sot nga kryeministri aktual i Kosovës dhe qeveris në Prishtinë, konsiderojn bashkëbiseduesit e Kosova Online.

Në dokumentin e Vetëvendosjes të vitit 2017, të publikuar nga Albanian Post , në faqen 52, ndër të tjera thuhet se rreth 40 për qind e qytetarëve të Kosovës janë analfabetë funksionalë dhe se kjo parti duhet të koncentrohet në përhapjen e thashethemeve të cilat “kanë fuqi, ndërsa faktet nuk janë shumë të rëndësishme”.

Më tej Kurti kërkon nga kolegët e tij partiakë se “kur të vijnë në pushtet, duhet të pëlyejn duart, përndryshe do të humbasin pushtetin”.

Në dokument thuhet se Lëvizja Vetëvendosje mund të vijë në pushtet vetëm në kuadër të gjendjes së jashtëzakonshme në Kosovë, madje të mbajë pushtetin përmes gjendjes së jashtëzakonshme. Ai sugjeron gjithashtu që Vetëvendosje të organizojë "një lloj sektori operativ ilegal dhe të befasojë kundërshtarin politik nëpërmjet tij".

Albenian Post shkruan gjithashtu se ky dokument, i cili më pas u propozua si plan organizimi politik, shkaktoi përçarjet e para në Vetëvendosje, duke thënë se kundër tij ishte një pjesë e Kryesisë së partisë, përfshirë edhe kryetarin e Kuvendit, Gljauk Konjufca.

Me gjithë kundershtimet, Kurti falë pushtetit të tij në parti, “e shtyu” planin e tij me synimin që të pakënaqurit të largoheshin nga partia.

Kryetari i Amzës së shqiptarëve  në Serbi, Demo Berisha, beson se Kurti, si në opozitë ashtu edhe në pushtet, zbaton të njëjtën "qasje revolucionare, guerile" dhe se kjo i bën më të qarta veprimet e fundit që ai ka kryer në veri të Kosovës.

Demo Berisha thotë se edhe sot i qëndron asaj që ka thënë pesë vite më parë dhe sillet sikur është ende në opozitë dhe po e udhëheq atë politikë të një vale shkatërruese.

“Atë që SHBA-të, BE-ja dhe Perëndimi u përpoqën t’i bëjnë Kosovës, një shoqërie demokratike, Kurti tani po e anulon të gjitha. Ai i përmbahet Statutit të partisë së tij, më saktë në një pikë që parashikon krijimin e një "Shqipërie të madhe" një ditë. Ky është drejtimi kyç i veprimtarisë së tij politike, për të krijuar një “Shqipëri të Madhe” etnikisht të pastër. Ai beson se është në luftë me Serbinë dhe kur je në luftë me dikë lejohet dezinformimi dhe “ duart e ndyra”. Duke shfrytëzuar pikërisht, siç ka theksuar në këtë dokument të Vetëvendosjes, nivelin e ulët të arsimimit të popullit në Kosovë, ai gjurmon drejtimin kyç të veprimit, për të bindur njerëzit për pikëpamjet dhe synimet e tij”, shpjegon Berisha.

Ai thotë se këtë ia ka arritur pjesërisht.

"Kurti e sheh veten si Che Guevara, e konsideron veten revolucionar, që do të çojë në krijimin e një 'Shqipërie të madhe'. Do ta krahasoja me ish-diktatorin shqiptar Enver Hoxha. Kurti është një 'enverist', ai vazhdon atë ideologji të një kombi të pastër shqiptar”, thotë Berisha.

Bashkëbiseduesi ynë thekson se “qasja revolucionare” e Kurtit, duke e mbajtur Kosovën në gjendje të vazhdueshme të jashtëzakonshme, është veçanërisht e dukshme në krizën që ai shkaktoi në veri me pushtimin e forcave speciale të Kosovës në ndërtesat komunale, imponimin e kryetarëve të paligjshëm shqiptarë dhe arrestimi i serbëve.

“Është vetëm një vazhdimësi e asaj që bëri Kurti dhe Vetëvendosje para se të vinin në pushtet, kur sulmuan parlamentin, organizuan demonstrata të dhunshme, tani vazhdon me atë metodologji në veri, vetëm shumë më perfide, sepse ka qeverinë. Dhe të gjitha me qëllimin e pushtimit të veriut dhe krijimin e një territori të pastër, sepse Kurti beson se serbët nuk kanë vend në Kosovë”, thekson ai.

Gjithashtu tregon se Kurti tani po i “paketon” këto metoda të rrezikshme politike nën maskën e gjoja luftës për demokraci dhe shtet ligjor.

"Kurti thjesht po përpiqet të modernizojë politikën e tij të dhunshme dhe metodat e dhunshme që përdor për të arritur qëllimet e tij. Synimi i tij përfundimtar është saktësisht i njëjtë me atë kur ai formoi Vetëvendosjen dhe ai nuk do të heqë dorë prej tij. Madje ka prishur marrëdhëniet me Amerika, sepse mendon se është i paprekshëm, se është ai që duhet të pyesë veten, nuk njeh asnjë politikan nga perëndimi, ai beson se duhet të flasë drejtpërdrejt me presidentin amerikan Joseph Biden, Olaf Scholz dhe me Emmanuel Macron. Për të nuk ka zyrtarë “më të ulët” të administratës, as amerikanë dhe as europianë”, thotë Berisha.

Shkrimtari dhe gazetari Zhivojin Rakoçeviq deklaron se Kurti ka një “vullnet për pushtet” të madh dhe se ai nuk zgjedh metoda për të konstituuar konceptin dhe ideologjinë e tij të madhe shqiptare.

Rakoçeviq tregon se politika dhe filozofia politike e Aljbin Kurtit gjatë gjithë karrierës së tij është një ndërthurje e nacionalizmit më ekstrem dhe populizmit social.

“Në kuadër të një qëndrimi të tillë mund të vendoset edhe ky dokument i brendshëm, i cili rregullon marrëdhëniet brenda partisë dhe veprimin e saj në masë. Aljbin Kurti është i vetëdijshëm se grupet e vogla radikale në sistemet anarkike dhe jodemokratike mund të vijnë në pushtet shumë shpejt dhe thjesht. Vullneti i këtij njeriu për pushtet bazohet edhe në manipulimin e strukturave të vjetra fisnore që besojnë në thashetheme dhe nuk kanë pranuar kurrë asnjë institucion, përfshirë periudhën pas vitit 1999”, thotë Rakoçeviq.

Ai shton se në Kosovë ekzistojnë tre nivele të institucioneve: mbinstitucionet (ambasadat amerikane, britanike dhe gjermane); institucionet zyrtare (qeveria, bashkitë) dhe nëninstitucionet (strukturat fisnore-familjare me ndikimin dominues të mafias dhe kryekomandantët e luftës).

“Kurti përpiqet të pushtojë këto tri hapësira të fuqishme dhe kështu përbën konceptin dhe ideologjinë e tij të madhe shqiptare”, përfundon Rakoçeviq.

Gazetari dhe analisti nga Prishtina, Ljeart Hoxha, thekson se dokumenti i publikuar nga Albanian post mund t'i shërbejë debatit të brendshëm, por që në parim nuk paraqet asgjë të re.

“E vetmja gjë që mund të konkludohet nga këndvështrimi i sotëm është se në gjendjen e paspandemisë, situata dhe atmosfera në rrjetet sociale dhe platformat tjera online, të cilat përdoren për (dez)informim, janë përkeqësuar ndjeshëm”, tha Hoxha për Kosova Online.