Vesiq: Edhe për të gjithë qytetarët e Kosovës me letërnjoftim serb vlejnë përfitimet e tregut unik të “Ballkanit të Hapur”

Prej pak ditësh ka funksionuar tregu i përbashkët i punës i “Ballkanit të Hapur” – Serbisë, Maqedonisë së Veriut dhe Shqipërisë dhe ministri i Ndërtimit, Transportit dhe Infrastrukturës, Goran Vesiq, thekson për Kosovo online se të gjithë qytetarët e Kosovës, “si pjesë integrale e Serbisë”, pa dallim kombësie, nëse kanë letërnjoftim serb, mund të shfrytëzojnë përfitimet e marrëveshjes në kuadër të kësaj nisme rajonale.

"Kosova dhe Metohia është pjesë përbërëse e Serbisë dhe të gjithë qytetarët e asaj pjese të vendit, pa dallim kombësie, janë qytetarë të Serbisë dhe mund të shfrytëzojnë të gjitha avantazhet e marrëveshjeve që Serbia ka nënshkruar me Maqedoninë e Veriut dhe Shqipërinë”, theksoi Vesiq.

Kjo do të thotë se kushdo që ka një letërnjoftim serb mund të marrë një numër identifikimi dhe të punojë në Maqedoninë e Veriut dhe Shqipëri pa asnjë dokument shtesë.

"Çdo qytetar i Serbisë që jeton në Kosovë, me letërnjoftimin serb, mund të shfrytëzojë të gjitha avantazhet e integrimit tonë rajonal. Kjo vlen edhe për Albin Kurtin. Mjafton që nëse nuk e ka, të nxjerrë lrtërnjoftimin dhe një ditë, kur të mos jetë kryeministër, të mund të punojë në Tiranë, ndoshta pa asnjë pengesë”, theksoi Vesiq.

Ai kujton se thelbi i “Ballkanit të Hapur” është heqja e të gjitha pengesave, për të vendosur qarkullimin e lirë të njerëzve, mallrave dhe kapitaleve.

"Thelbi është lidhja e njerëzve dhe ekonomisë. Ne duhet të krijojmë një treg më të madh dhe të unifikuar që do t'u mundësojë të gjithë qytetarëve dhe të gjitha vendeve të jenë mirë," shton Vesiq.

Ai vëren se kjo është pikërisht e kundërta e asaj që po bën qeveria në Prishtinë, e udhëhequr nga Albin Kurti.

"Ai po mbyll tregun në Kosovë dhe Metohi, duke u përpjekur të izolohet nga Serbia dhe të krijojë një geto për serbët në Kosmet, por edhe për shqiptarët që jetojnë në Kosovë dhe Metohi. Thelbi i rajonit është lidhja, që të gjithë të mund të udhëtojnë lirshëm, që të gjithë të përparojmë ekonomikisht, dhe jo se për ndonjë arsye politike apo për një dëshirë të sëmurë për një Kosovë etnikisht të pastër, serbët, por në të njëjtën kohë edhe shqiptarët dënohen”, tha ministri Vesiq.

​Ai gjithashtu thekson se një nga gjërat më të rëndësishme në departamentin e tij, dhe në kuadër të “Ballkanit të Hapur”, është sistemi i inkasimit të integruar të tarifave, i cili prej vitit të kaluar funksionon me sukses ndërmjet Serbisë dhe Maqedonisë së Veriut. Tani jemi pranë fundit të marrëveshjes për krijimin e një tag të përbashkët me Greqinë dhe ne do të punojmë për këtë me Malin e Zi dhe Kroacinë. Kjo do të thotë që kur ke një etiketë serbe, mund të udhëtosh lirshëm në vendet e 'Ballkanit të Hapur', por edhe në të gjithë rajonin, thekson Vesiq.

Ai shtoi se po punohet edhe për ngritjen e korridoreve të gjelbra, në mënyrë që kamionët e këtyre tre vendeve të kalojnë pa pengesa nga njëri në tjetrin, përmes korridoreve të posaçme, gjë që eliminon kostot shtesë dhe mundëson bashkëpunim më 2të mirë.

"E ardhmja është në integrim, jo ​​në ndarjen e njerëzve, siç po bën Albin Kurti, ai i ndan serbët dhe shqiptarët, por në atë mënyrë që serbët të mos kenë të drejta dhe shqiptarët të kenë të gjitha të drejtat. E ardhmja është që ne të gjithë të jetojmë së bashku dhe të zhvillojmë ekonominë tonë”, përfundoi Vesiq.