KUSH është KUSH - Tonino Picula: Reportues i Parlamentit Evropian, kritikues i Serbisë dhe "pjesëmarrës në Luftën e Atdheut"

Eurodeputeti kroat Tonino Picula është raportuesi i Parlamentit Evropian për Serbinë.

Picula u zgjodh në përbërjen e re të Parlamentit Evropian si përfaqësues i Partisë Socialdemokrate të Kroacisë.

Ai është i njohur në rajon që më parë, sepse në mandatin e mëparshëm ka qenë në krye PE për Malit e Zi, por, do të thotë dikush nga komunikimi i stuhishëm, ka qenë edhe i ngarkuar me retorikë të ashpër ndaj vendeve të Ballkanit Perëndimor, sidomos në rastin e Serbisë.

Zgjidhja e çështjeve të hapura të Serbisë dhe Kosovës

Duke folur dy vjet më parë për rekomandimin për strategjinë e re të zgjerimit të BE-së, ai theksoi imperativin për të forcuar angazhimin konstruktiv të BE-së me autoritetet e Serbisë dhe Kosovës, në mënyrë që të arrihet një marrëveshje gjithëpërfshirëse dhe ligjërisht e detyrueshme për normalizimin e bazuar në njohje "midis dy vendeve".

"Kjo është thelbësore që të dyja vendet të përparojnë në rrugët e tyre evropiane dhe të kontribuojnë në stabilitetin rajonal, prosperitetin dhe normalizimin e marrëdhënieve. Ne duhet t'i zgjidhim të gjitha çështjet e hapura përmes dialogut midis Beogradit dhe Prishtinës shpejt, transparente dhe me mirëbesim," tha Picula në një tekst autorial për revistën Parlamenti nga fundi i vitit 2022.

Ai ishte veçanërisht i ashpër në kritikat ndaj Serbisë pas ngjarjeve në Banjskë dhe ishte ndër anëtarët e PE-së që kërkuan dënimin e Serbisë, marrjen e masave ndaj saj ose pezullimin e projekteve infrastrukturore.

Në fund të tetorit 2023, ai vlerësoi se Rezoluta për dialogun ndërmjet Kosovës dhe Serbisë, e miratuar në Parlamentin Evropian, ka kapacitet të ndikojë në Komisionin Evropian dhe Këshillin Evropian që të shqyrtojnë sanksionet ndaj Serbisë.

Ai gjithashtu ka kërkuar që Serbia të ekstradojë Milan Radoiçiqin në Prishtinë.

Anëtari i Kryesisë së PPS, Goran Vesiq, vlerësoi se Picula është "një politikan i dështuar që nuk i intereson asgjë dhe mendimi i të cilit është i parëndësishëm edhe në Kroaci".

“Askush nuk e pyet asgjë Piculën në Kroaci, as nuk është i rëndësishëm për ndonjë vendimmarrje dhe meqë nuk është i rëndësishëm në vendin e tij, padyshim mendon se duhet të jetë i rëndësishëm kur është fjala për Kosovën dhe Metohinë. Ky është qëllimi i tij, por është vetëm një përpjekje për vetëpromovim të një politikani të dështuar dhe të pasuksesshëm”, tha Vesiq.

“Ai nuk ka punë tjetër veç të urrejë Serbinë”

Për të ka folur edhe presidenti serb Aleksandar Vuçiq kur komentoi akuzat për fashizëm të dërguara Serbisë nga Kroacia.

Siç theksoi më pas Vuçiq, për këtë po flet Tonino Picula nga Kroacia - "e cila ka dhjetëra murale të kriminelëve të dënuar lufte në të gjithë vendin, si dhe rrugë me emrin Milo Budak, një kriminel nazist, për të cilin vetëm shteti mund të vendos".

"Ata janë kaq gënjeshtarë, gjithçka bazohet në gënjeshtra. Dhe ata mendojnë se dikush do të ketë frikë. Më mirë të mos jem unë atje, sesa të jem një shërbëtore e përulur e Piculës, Viola von Kramon, që nuk ka punë tjetër veç të urrej Serbinë dhe gënjejë çdo ditë” tha Vuçiq.

“Putini bëri më shumë për BE-në dhe NATO-n se të gjithë propozuesit”

Ai ishte autor i Rezolutës së PE-së, e cila e kushtëzon përparimin në negociatat e anëtarësimit midis Beogradit dhe Brukselit me përafrimin e Serbisë me politikën e sanksioneve kundër Rusisë.

Duke komentuar konfliktin në Ukrainë, Picula tha se presidenti rus Vladimir Putin ka bërë më shumë për zgjerimin e BE-së dhe zgjerimin e NATO-s sesa "të gjithë avokatët brenda Bashkimit dhe Aleancës".

Çfarë tensionesh?

Në mandatin e mëparshëm, ai ishte i ngarkuar nëë emër të PE për Malit e Zi dhe së fundi ai paralajmëroi publikisht administratën në Bruksel se marrëveshja midis Malit të Zi dhe Serbisë për shtetësinë e dyfishtë do të kontribuonte në "inxhinierinë zgjedhore", d.m.th. Beogradi në mnyrë direkte do të ndërhyn në proceset zgjedhore.

Shkëndijat mes Abazoviqit - Piculës janë ndezur edhe më parë.

Ai ka kritikuar nënshkrimin e Marrëveshjes Themelore me KOS, por kryeministri i atëhershëm malazez në mandatin teknik, Dritan Abazoviq nuk e ka mbetur borxh, duke theksuar se ka qenë vendimi më i mirë që ka eliminuar tensionet.

“Imagjinoni çfarë thotë Picula se ai vendim shkaktoi tensione, çfarë tensionesh? Këtu po ju kujtoj vetëm si mik, të kontrolloni se është e lehtë, si gazetar... Pra, para kontratës themelore kishim protesta në Mal të Zi autolitia, bllokada, gjëra të ndryshme...”, u përgjigj Abazoviq.

Eurodeputeti tha në fillim të vitit 2023 se me lëvizje kontradiktore dhe politika jokonsistente, autoritetet arritën të lëkundin vullnetin e mirë, mbështetjen dhe punën e ndërgjegjshme të të gjithë atyre që vazhdimisht brohorasin për suksesin dhe prosperitetin evropian të Malit të Zi.

Ai vlerësoi se koalicioni në pushtet në atë kohë po përpiqej me këmbëngulje ta afronte Malin e Zi me "ata që po destabilizojnë qëllimisht rajonin e Ballkanit Perëndimor gjatë aventurës së Putinit në Ukrainë".

Sociolog dhe eurodeputet

Ai lindi në Mali Loshinj në vitin 1961 dhe u diplomua për sociologji në Zagreb. Nga viti 2000 deri në vitin 2003 ka qenë Ministër i Punëve të Jashtme i Kroacisë.

Në gjysmën e parë të viteve nëntëdhjetë, ai ishte "pjesëmarrës në Luftën e Atdheut", siç thuhet në faqen e tij.

Ka qenë deputet, kryetar i delegacionit kroat në Asamblenë Parlamentare të OSBE, kryetar i Komunës së Goricës së Madhe, ndërsa në vitin 2013 është zgjedhur deputet i Parlamentit Evropian, ku deri më sot ka mbajtur poste të ndryshme.

Ai jeton me gruan e tij Marijanën dhe vajzën Petra.