Djemtë e të arrestuarit Dragan Niçiq: Babai ynë nuk ka shkelur as milingonë dhe këtë e dinë të gjithë

Srgjan dhe Bojan Niçiq, djemtë e Draganit të arrestuar, thonë se njësitet speciale të policisë ROSU kanë hyrë në shtëpinë e tyre sot në mëngjes, pak para orës gjashtë dhe se kanë keqtrajtuar të gjithë, përfshirë edhe dy fëmijët e Bojanit të moshës tre dhe pesë vjeç. Bojani tregon se babai i tij është arrestuar pa arsye dhe se seria e arrestimeve në Pasjan ka shkaktuar një ankth të madh te serbët e atij vendi.

"Sot në orën gjashtë në mëngjes forcat speciale kosovare kanë bastisur oborrin, fillimisht kanë hyrë në shtëpinë e vjetër ku kanë arrestuar babanë, kanë lëvizur fizikisht nënën dhe kanë kontrolluar gjithçka, pastaj kanë zbritur në shtëpinë tonë se ne kemi dy shtëpi. Unë kam qenë me gruan dhe dy fëmijët e mi, njëri është tre vjeç, tjetri është pesë vjeç, kështu ka hyrë SHPK dhe i ka thënë vëllait të gjejë dy dëshmitarë nga lagjja për të parë kontrollin”, thotë Bojan Niçiq.

Ai shton se babai i tij nuk ka lidhje me akuzat dhe këtë e dinë të gjithë në Pasjan.

“Nuk ka lidhje me këtë, edhe kur ka pasur mobilizim në vitin 1991 dhe 1999 ka punuar në Zhitopromet. Kurrë nuk është mobilizuar. Pas kësaj ka punuar si mësues. Nuk di të montojë pushkën, asnjëherë nuk ka gjuajtur një plumb nga një armë, dhe jo diçka tjetër. Ai nuk ka shkelur mbi një milingonë dhe të gjithë e dinë këtë. Njeriu nuk ka lidhje me krimet e luftës”, thotë Niçiq.

Ai beson se bëhet fjalë për një raport të rremë.

"Ose dikush e ka raportuar ose vetë qeveria e Kosovës dëshiron të shqetësojë popullin. Kush e di," thotë Niçiq.

Po ashtu, thotë se pas aksionit të mëngjesit të sotëm policor, serbët nga Pasjani janë të trazuar.

"Njerëzit janë të trazuar. Ata telefonojnë shumë, u kap paniku, sidomos kur dëgjuan se për kë bëhët fjalë. Njeriu, i cili më 17. gusht mbushi 66 vjeç, nuk ka shkelur asë milingonë. Për të mund të dëgjoni vetëm fjalë lavdërimi sepse ishte edhe profesor dhe është shpërblyer për punën e tij, por e shihni, vjen ndonjë qeveri dhe ia njollosin nderin”, thotë Niçiq.

Ai planifikon të shkojë në Prishtinë me vëllain e tij gjatë ditës.

“Ne planifikojmë të shkojmë atje, të shohim se çfarë do të thonë avokatët. Sigurisht e dimë se nuk do të na lënë ta shohim. Por unë dua ta mbështes babain tim, çfarë të bëj tjetër”, thotë Niçiq.

Srgjan Niçiq thotë se urdhërarresti i dorëzuar nga policia përmbante emrat e disa serbëve të tjerë nga Pasjani.

"Qeveria e Kosovës e Albin Kurtit i bashkëfajëson për krime lufte. Babai ynë nuk ka lidhje me këtë. Që nga viti 2002 ka punuar si mësimdhënës në shkollën Miladin Popoviq në Pasjan", thotë Srgjan Niçiq.

Ai shton se gjatë gjithë kohës kanë dëgjuar Motorola dhe armë.

"Derisa po lexoja emrat nga urdhri, njëri prej tyre filloi të më godiste, por unë nuk reagova. Nuk u kundërpërgjigja. U befasova nga gjithçka që po ndodhte", ka shpjeguar Srgjan Niçiq.