Zyra për KdheM: Me arrestimin e katër serbëve në Pasjan, Kurti kërkon të përshkallëzojë situatën

Zyra për KdheM ka konfirmuar se katër serbë janë arrestuar sot në mëngjes në fshatin Pasjan të Pomoravljes së Kosovës: Dragan Cvetkoviq, Dragan Niçiq, Millosh Shoshiq dhe Slobodan Jevtiq, duke gjykuar se ishte një akt i dukshëm terrori që synonte përshkallëzimin e situatës dhe duke e bërë jetën të padurueshme për serbët. Zyra për KdheM paralajmëron se ky arrestim është dëshmi se në Kosovë nuk ka sundim të ligjit dhe se serbët po arrestohen sipas listave sekrete të Kurtit.

“Serbourrejtësi Kurti në detyrë vazhdon të terrorizojë popullin serb si në veri ashtu edhe në jug të Ibrit dhe kjo është e vetmja gjë që ai di të bëjë. Është e qartë se me arrestimet e reja në Pasjan, regjimi antiserb nga Prishtina dëshiron të përshkallëzojë situatën në terren dhe ta bëjë të padurueshme jetën e serbëve në Kosovë dhe Metohi dhe sërish Pomoravljen e Kosovës, zona ku është më e madhja numri i serbëve që jetojnë, është sulmuar”, thuhetë në njoftimin e Zyrës për KdheM.

Zyra thekson se katër serbë janë arrestuar me akuzën se kanë kryer krime të supozuara "edhe pse po flasim për njerëz që kanë jetuar të qetë në pragun e shtëpisë së tyre me vite pa asnjë problem".

“Sipas dëshmitarëve okularë dhe familjarëve të tyre, policia ROSU ka pasur me vete listat e serbëve gjatë arrestimit, por nuk ka treguar asnjë urdhër bastisje, gjë që tregon qartë se ata janë ndaluar në mënyrë arbitrare, në baza politike të bazuara në lista sekrete”, njoftoi Zyra për KdheM.

Shtohet se pjsëtarët e ROSU-së plaçkitën shtëpitë serbe, thyen dyert, rrahën dhe ngacmuan të moshuarit në prani të fëmijëve dhe nipërve të tyre.

“Për të gjithë të arrestuarit është siguruar menjëherë ndihma juridike falas”, thekson Zyra.

Shpjegohet se të arrestuarit nuk kanë asnjë lidhje me krimet e luftës për të cilat akuzohen.

“Slobodan Jevtiq është liruar nga shërbimi ushtarak për shkak të shikimit të dobët dhe gjatë arrestimit të tij dera e hyrjes është thyer me vare. Dragan Cvetkoviq është 90 për qind invalid i cili dikur ishte plagosur nga shqiptarët dhe është babai i një prifti vendas, Dragan Niçiq është një mësues në pension dhe Millosh Shoshiq pjesëtari i parë i SHPK-së në Pomoravlje të Kosovës, që do të thotë se edhe 20 vjet më parë ai duhej të kalonte të gjitha kontrollet e sigurisë, theksohet në njoftim.

Shtohet se regjimi i Prishtinës me këto arrestime dhe sulme të pabaza ndaj serbëve po hyn në fushatë zgjedhore.

“Është e qartë se regjimi i Prishtinës po hyn në fushatë zgjedhore me arrestime dhe sulme të pabaza ndaj të gjithë serbëve, sepse nuk ka për të ofruar asgjë përveç urrejtjes patologjike ndaj serbëve, përveç presionit dhe persekutimit në të gjitha zonat serbe me një qëllim të vetëm, i cili përfshin shpërnguljen e serbëve nga Kosova e Metohija. Shtrohet pyetja se si nuk është e qartë për faktorin ndërkombëtar dhe misionet se nuk ka sundim të ligjit në zonën e KdheM, se serbët arrestohen sipas listave sekrete të Kurtit, sipas të cilave kushdo që është serb është fajtor dhe se, në përputhje me rrethanat, bëhen gjykime të montuara nën akuza të rreme me qëllim të spastrimit përfundimtar etnik të serbëve”, përfundon deklarata e Zyrës për KdheM.