Jovanoviq: Kalova pranë punktin policorë, u dëgjua një e shtënë dhe ndjeva dhimbje në shpatull

Millan Jovanoviq, i cili mbrëmë vonë u transportua në Qendra Spitalore Klinikë në Mitrovicën e Veriut, pasi u plagos në afërsi të urës së Bistricës afër Zveçanit, ka thënë për Kosovo online se në vendin ku është plagosur kanë qenë vetëm pjesëtarë të Forcave Speciale të Kosovës.

Ai tha se gjithçka ka ndodhur kur ai po kthehej në shtëpi nga Leposaviqi.

“Mbrëmë, pasi u ktheva nga Leposaviqi poshtë në Bistricë, ku është baza e tyre, pasi kalova nëpër punkti, sapo dëgjova një të shtënë dhe një dhimbje në shpatull. Nuk mund të jem 100% i sigurt se kush qëlloi, por nuk besoj se ka njeri tjetër në atë bazë përveç ushtrisë dhe policisë së tyre. Dëgjova plasaritjen e xhamit prapa dhe përpara dhe sinqerisht u tremba, vazhdova, u nisa për në shtëpi. Arrita në vendin “Saren kamen” dhe çfarë ndodhi më pas, ku është vetura, kush më solli, nuk e di”, tha Jovanoviq.

Pas pranimit në QSK në Mitrovicën e Veriut, Jovanoviq është operuar në repartin e kirurgjisë dhe sipas kirurgut kujdestar, ai është jashtë rrezikut për jetën, por gjendja e tij ende po monitorohet.