Një serb nga Graçanica është sulmuar nga tre shqiptarë

Një serb S.P. (20) nga Graçanica është rrahur të dielën rreth orës 19, në rrugën mes Dobratinit dhe Gushtericës e Poshtme, nga tre burra të nacionalitetit shqiptar. Komandanti i stacionit policor në Graçanicë, Bratisllav Trajkoviq, ka konfirmuar për Kosovo online se rasti është raportuar dhe se është duke u hetuar.

I riu është sulmuar nga tre shqiptarë të cilët lëviznin me një veturë BMW me ngjyrë të zezë në rrugën Gushterica e Poshtme - Dobratini. Siç tregon për Kosovo online, ai ka qenë me të dashurën e tij në veturë kur BMW e ka parakaluar.

"Më kapërceu dhe ndaloi para meje. Unë qëndrova pas tij, mendova se kishte nevojë për ndihmë ose për t'i treguar rrugën. Hapa dritaren dhe ky shqiptar erdhi drejt meje, filloi të bërtasë. Unë e pyeta se çfarë ka komshi, çfarë problemi ka?’, dhe më goditi me grusht në kokë dhe më humbi ndjenjat”, thotë S.P.

Kur erdhi në mendje, pa se në dritaren e tij qëndronin dy burra të tjerë dhe përpiqeshin ta godisnin.

Pas kësaj, dy vajza, të cilat ishin me to, i kanë tërhequr dhe i kanë futur sërish në makinë, për të vazhduar rrugën”, thotë S.P.

Ai thotë se vetura kishte targa që fillonin me 01 që, thotë ai, i përket rajonit të Prishtinës.

Sipas vlerësimeve të tij, drejtuesi i makinës ishte rreth 40 vjeç, ndërsa dy burrat e tjerë rreth 25 vjeç.

Ai shton se një nga banorët e zonës ka parë se çfarë ka ndodhur dhe ka raportuar rastin në polici.

“Pastaj shkova në polici për të dhënë deklaratë, më morën në pyetje për rreth dy orë, më pas shkova në qendrën shëndetësore për t'u kontrolluar dhe më referuan në repartin e kirurgjisë. Më kanë gjetur lëndime në pjesën e kokës, njëra kockë në shpinë është plasaritur”, tha S.P. i cili e ka kaluar natën në spital, për t'u transferuar sot në mëngjes në QSK Mitrovica për ekzaminim të detajuar.

Ai pranon se nuk e priste që një gjë e tillë t'i ndodhte, sepse lëvizte lirshëm kudo.

“Kam shkuar në Prishtinë, Lipjan, kam bërë pazar, kam shëtitur me të dashurën time... Kurrë nuk kam pasur problem me askënd. Nuk kam egërsuar kurrë, kam ndezur muzikën, është hera e parë që më ndodh”, thotë ai, duke treguar se ka një makinë me targa KG.

Ai dyshon se shqiptarët i kanë parë targat dhe kjo ka qenë arsyeja e sulmit.

Komandanti i stacionit policor në Graçanicë, Bratisllav Trajkoviq, ka konfirmuar shkurt për Kosovo online se ka raport dhe se rasti është duke u punuar.